Tar RTR maina Dazzi il sectur da reflexiun, cun la responsabladad da sviluppar ils cuntegns en las spartas televisiun, radio e multimedia. Dasper sia lavur en la branscha da medias porscha el guidas, intermediaziuns e servetschs davart tematicas istoricas.
Guadench Dazzi ha studegià a l’universitad da Turitg istorgia, lingua rumantscha, litteratura e scienza da la cultura populara. El è era stà involvì en in project da perscrutaziun naziunal davart ils Jenics en il Grischun, ed ha collavurà differentas giadas cun il Museum retic.
Guadench Dazzi è creschì si en l’Engiadina, e viva uss cun sia famiglia a Haldenstein. El surpiglia il post da directur dal Museum retic dad Andrea Kauer Loens. Quella mida suenter 10 onns en il Principadi da Liechtenstein, sco directura dal museum naziunal dal pajais.