Il destin da blers pitschens vitgs sa mussa il pli ferm a Mon cun la digren da abitantas ed abitants. Oz vivan anc 66 persunas a Mon en Val d'Avra, avant 50 onns eran quai anc 86.
Svilup da la populaziun a Mon
I manca la generaziun giuvna. Uschia vivevan avant 50 onns anc 30 uffants a Mon, oz èn quai be anc 7 uffants. In svilup che fa quitads, dentant datti tuttina anc in zic vita en il vitg. I dat anc ina ustaria ed ina fatschenta da maschinas agriculas, nua ch'i curra e passa trasora insatge.
Sguard en l'avegnir
Tge perspectivas datti per Mon? Tgi pudess il futur viver a Mon?
In Telesguard spezial è sin visita a Mon e discurra cun persunas che lavuran ubain vivan a Mon : Corina Farrér, Nicolin Sonder ed il president communal da la vischnanca Albula/Alvra, Daniel Albertin, cun lur e quitads e speranzas per Mon.
