Tar l’arrivada dal char a motor ha Reto Crameri, il president dal cussegl da fundaziun dal Museum da viafier Alvra, ditg ch’i saja in bel mument emoziunal, ch’il museum possedia ussa il char a motor da Tirano. Tirano è la citad che saja la staziun finala da la lingia dal Patrimoni mundial da l’UNESCO.
Il museum viva dals vaguns e vehichels exponids, ch’ins po era tutgar en els, cun ils tals ch’ins ha magari fatg viadis ed ha forsa schizunt regurdientschas vidlonder.
I saja era in’attracziun sch’ins haja tals exponats davant il museum, ha Crameri ditg plinavant. Il char a motor dal tip ABe 4/4 III è l’emprim vehichel da la lingia dal Bernina ch’è en possess dal museum. Cun l’onn da construcziun 1988 tutga el tar in dals pli giuvens objects d’exposiziun dal museum.
-
Bild 1 von 7. Christian Meyer (san.) e Reto Crameri dal museum da viafier han plaschair da lur rega. Bildquelle: RTR.
-
Bild 2 von 7. Bildquelle: RTR.
-
Bild 3 von 7. L'emprima classa. Bildquelle: RTR.
-
Bild 4 von 7. Il di da l'arrivada ils 04-07-2024 hai dà ina pitschna festa d'avertura. Bildquelle: RTR.
-
Bild 5 von 7. Il di da l'arrivada ils 04-07-2024 hai dà ina pitschna festa d'avertura. Bildquelle: RTR.
-
Bild 6 von 7. Bildquelle: RTR.
-
Bild 7 von 7. La lingia dal Bernina ha in'autra tensiun dal current, uschia ch'il char cun motor n'ha betg pudì manischar senza agid dal tractor da manevrar. Bildquelle: RTR.
Viafier da model sin buna via
A l’ur da la surdada dal char a motor ha Reto Crameri ditg, che cun la viafier da model ins saja sin buna vial. Ins haja rimnà radund in mez milliun francs, tge che tanschia per construir ina viafier da model dal tip LGB (Lehmann Gartenbahn).
La finamira saja da survegnir anc quest onn il consentiment da la regenza, da la radunanza communala da Bravuogn Filisur e la lubientscha da bajegiar. Actualmain marscha l’exposiziun publica da cooperaziun da la planisaziun locala. Fabritgada duess era vegnir cuntrada cun la lingia da l’Alvra, il viaduct da Brusio ed il viaduct da la Landwasser. La finamira dal museum è da pudair cumenzar cun las lavurs da construcziun en il decurs dal 2025.