Ditg han ins stuì spetgar sin l’album da debut da «Tawnee» – bunamain in decenni. Mez favrer èsi lura stà uschè lunsch. L’emprima single da l’album è «Glory», in chanzun che tracta la malsegirtad da vegnir creschì. En quella sa dumondan ils commembers Andrea Frey, Elias Tsoutsaios, Valentin Bezzola e Florian Heiniger quanta nostalgia e independenza ch’ina relaziun po vertir. Sco cuntrast dal tema plitost grev e pensiv è la melodia positiva e plain forza. In dals motivs che quella chanzun n’è be mo l’emprima sin l’album, il start da blers concerts da Tawnee mabain era la selecziun da l’acziun Mx3 – tuts per in. Durant il mars san ins tadlar «Glory» en ils radios da SRF 3, Couleur 3, Rete Tre ed RTR.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
