Siglir tar il cuntegn

Header

video
Co vegn festivà Nadal en il Grischun? - Las dumondas impurtantas
Or da RTR Social dals 20.12.2022.
laschar ir. Durada: 5 minutas 45 Secundas.
cuntegn

Nadal Famiglia, tschaina, regals, chanzuns, No-Gos e Must-Haves

Tuts festiveschan Nadal in pau auter. Co ch'i vegn festivà vulain nus savair ed avain dumandà persunas da differentas branschas, da differentas gruppas da vegliadetgna e da differentas naziunalitads.

Chanzuns da Nadal

Chanzuns da Nadal pon ins il mument udir dapertut. En las butias, en ils radios e sin las vias va musica da Nadal. A chasa vegn er tadlà musica da Nadal. Chantà vegn er durant quest temp. Er en intginas chasadas vegnan chantadas chanzuns sco clara notg. Tge chanzuns na dastgan en nagin cas mancar?

audio
La musica che na dastga betg mancar
ord Actualitad dals 21.12.2022. Maletg: Keystone
laschar ir. Durada: 3 minutas 25 Secundas.

Tschaina da Nadal

Il temp da Nadal è in temp plain tradiziuns. Per bleras famiglias è la tschaina da Nadal ina tradiziun. Tar intginas famiglias datti da Nadal fondue chinoise, tar autras raclette u forsa er insatge tut auter. Tradiziuns avant u suenter mangiar sco chantar u pachetar ora regals datti er en bleras famiglias. Avais vus er ina tradiziun speciala tar las tschaveras?

audio
Las tschaveras tradiziunalas
ord Actualitad dals 21.12.2022. Maletg: Keystone
laschar ir. Durada: 3 minutas 30 Secundas.

Regals

Da Nadal dovri regals. U betg? I dat bleras differentas sorts da regals. Cun tut questas pussaivladads èsi bel, sch'ins ha chattà il dretg regal. Sche tuts èn la finala selecziunads bain, e tutgan la noda n’è betg adina garantì. 

audio
Regalar e vegnir regalà
ord Actualitad dals 21.12.2022. Maletg: Keystone
laschar ir. Durada: 4 minutas 16 Secundas.

Famiglia

Per blers gioga cunzunt la famiglia ina gronda rolla en quest temp. Blers giaudan da puspè vesair in l’auter, vegnir ensemen e baterlar sur da tut quai ch’è capità durant l’onn. 

audio
Il temp da cuminanza
ord Actualitad dals 21.12.2022. Maletg: Keystone
laschar ir. Durada: 4 minutas 45 Secundas.

No-Gos e Must-Haves

Tge dovri per ina buna festa da Nadal? Per intgins èn quai forsa ils regals u ina buna tschavera. Per auters dovri forsa chandailas e gieus communabels. Sper tut las chaussas che procuran per ina bella atmosfera da Nadal datti era chaussas che pon ruinar la festa da Nadal. Forsa poi dar discussiuns u pitschnas charplinas en famiglia.

audio
Tge dovri e tge na dovri betg durant las festas?
ord Actualitad dals 21.12.2022.
laschar ir. Durada: 3 minutas 28 Secundas.

RTR actualitad 07:00

Artitgels legids il pli savens

Scrollar a sanestra Scrollar a dretga