Siglir tar il cuntegn

Header

audio
Patricia Tschuor Marques - la dunna che fa punts
Or da Actualitad dals 18.12.2019.
laschar ir. Durada: 04:12 minutas.
cuntegn

OLÁ – Da nus para vocês Patricia Tschuor – far punts tranter duas culturas

Patricia Tschuor (naschida Marques) è creschida si a Rueun en Surselva, ha geniturs portugais e gida uss auters Portugais da s’integrar cun lavurar sco translatura tar sairas da geniturs.

Patricia Tschuor, ch’è sezza mamma da duas pitschnas buobas, lavura sper sia lavur sin chanzlia anc sco translatura/mediatura tranter ils Rumantschs ed ils Portugais. Quellas duas culturas sajan fitg sumegliantas, ma sch'ins na sappia betg la lingua lura saja l’integraziun greva, manegia la dunna da 29 onns. Il problem sajan quellas famiglias che stattan mo tranter ellas, tranter conpatriots dal Portugal..

Per quels che lessan s’integrar hai jau mai fatg quittà, lez dumognan schon quai.
Autur: Patricia Tschuortranslatura/mediatura
Patricia Tschuor avant la tabla cun scret si ses lieu da domicil.
Legenda: Patricia Tschuor en ses curtin cun la tabla che mussa con lunsch davent che ses lieu da domicil a Portugal è. RTR, Ronja Muoth

Far punts

Ella vesa sasezza sco ina che fa punts tranter duas culturas. Malgrà che questas culturas sajan sumegliantas, dettia tuttina ina u l’autra differenza. Per exempel sajan Portugais tenor Patricia Tschuor bler pli averts e cordials che Svizzers. Ed era la famiglia haja tut in autra muntada en il Portugal che en Svizra.

A Portugal è la famiglia tut. En Svizra ston ins magari perfin chattar temps per la famiglia.
Autur: Patricia Tschuor

RTR Canorta 19:00

Artitgels legids il pli savens

Scrollar a sanestra Scrollar a dretga