Bruno Aguilar
El è in batger portugais da 37 onns e bab da dus uffants. Sco ch'el di, al saja esser batger en il sang. Gia dapi 4 generaziuns è la meztga ina part da sia famiglia. Il giuven Bruno è partì avant 20 onns dal Portugal vers la Svizra en tschertga d'ina meglra qualitad da vita, nua che sia lavur vegniss pajada endretg.
Sco emprim è el ì a star a San Murezzan. Là ha el fatg da tuttas sorts lavurs ch'el ha survegnì. La finala ha el chattà ses partenari en la batgaria Surses, Luigino Maffei, che tschertgava insatgi per al gidar cun la lavur en sia chasa da meztga a Cunter e per lavurar anc in pèr uras en sia pizzaria. Uss lavuran els ensemen gia passa 15 onns ed han avert las portas da lur batgaria il 2014.
Luigino Maffei
Luigino, sco ch'il num tradescha, ha ragischs talianas da la vart da sia mamma. Naschì è el però a Riom, perquai sa numna el in dretg Sursetter. El è in um da 52 onns ch'ha fatg enavant quai ch'el ha emprendì da giuven, numnadamain il mastergn da gronda tradiziun en Grischun – quel da batger.
Esser batger en questa regiun (Surses) è difficil, il turissem è ì enavos ed i dat adina dapli concurrenza. Sch'ins sa dat però fadia, vegn'ins vinavant.
Mazlaria Surses
Quai è en sasez ina butia/batgaria cun products tradiziunals dal Grischun ed era products portugais. Ella exista gia prest sis onns e porscha products ch'èn grev da chattar en la regiun en in'autra butia.
Nus avain qua in sortiment vast, uschia vegnin nus da satisfar ils giavischs da mintga client
RTR Canorta 19:00