OLÁ – Da nus para vocês - Sandra Araujo e sia nova vita en Svizra

03:10

video

Il team portugais en il «Da Casa Val Lumnezia»

Or da Giuventetgna dals 26.02.2020.

laschar ir. Durada: 3 minutas 10 Secundas.

Sandra Sofia Rodrigues Araujo

Naschida en Svizra avant 29 onns è ella ida cun 11 onns cun sia mamma enavos en il Portugal. Ses bab è restà en Svizra. En il Portugal ha ella fatg sia scolaziun ed è ida a studegiar dietetica a l'universitad. Suenter ses studi è ella returnada en Svizra, quai il 2016. Era sch'ella aveva emprendì rumantsch, ha ella stuì far in process d'integraziun che dura fin oz.

audio

Sandra Araujo: Ina Portugaisa che ha chattà sia passiun en la tgira

03:40 min, ord Actualitad dals 28.02.2020.

laschar ir. Durada: 3 minutas 40 Secundas.

Ses emprim job en Svizra è stà en il mund da l'hotellaria, quai che n'ha betg plaschì uschè bain ad ella. Lura ha ella gì la pussaivladad d'ir a lavurar en il «Da Casa» en Val Lumnezia, sco gidantra da tgira. Quai ha plaschì fitg bain e perquai ha ella cumenzà l'emprendissadi sco spezialista da sanadad. Sia finamira è d'emprender tudestg e da sa sviluppar en il mund da la tgira.

Mia finamira era dad in pudair lavurar sco cussegliadra da nutriment, però cun lavurar en la tgira hai jau chattà ina nova passiun.

Legenda: RTR

Retus Giger

audio

Senza ils Portugais dessi ina mancanza da persunal en la tgira

03:17 min, ord Actualitad dals 28.02.2020.

laschar ir. Durada: 3 minutas 17 Secundas.

Retus Giger è il schef dal «Da Casa» ed er el ha raquintà, pertge che tants Portugais lavuran en la tgira e co ch'el vesa tut quai.

Senza ils Portugais n'avessan nus betg avunda persunal.

RTR Canorta 19:00