Siglir tar il cuntegn

Header

Franz Gertsch
Legenda: Keystone
cuntegn

Pictur cun renum internaziunal Franz Gertsch è mort

Il pictur svizzer è mort cun 92 onns en l'ospital. Fin sia mort ha Gertsch vivì e malegià a Rüschegg a Berna. El era enconuschents tranter auter per ses maletgs en format grond.

Gertsch è naschì 1930 a Mörigen al Lai da Bienna ed ha fatg sia emprima scolaziun a Berna. La fin da sia fasa da lavur è stada il 2022 suenter avair finì ses davos maletgs, dentant haja il pictur pudì malegiar fin curt avant sia mort. Tenor il directur dal Museum Franz Gertsch è Gertsch mort la mesemna passada en l'ospital.

In maletg da Franz Gertsch a l'exposiziun «GERTSCH – GAUGUIN – MUNCH»
Legenda: In maletg da Franz Gertsch a l'exposiziun «GERTSCH – GAUGUIN – MUNCH» Keystone

Ses emprim success internaziunal ha el gì 1972 a la «documenta» a Kassel cun ses maletg fotorealistic «Medici» cun 5 persunas giuvnas cun resti da hippies. Suenter èn maletgs da ses amis artistics sco Patty Smith vegnì enconuschents en l'entir mund. Quels avevan mintgamai in grond format.

A Keystone-SDA ha el ditg cura ch'el è vegnì 90, che ses maletgs hajan l'emprim gì in ferm connex cun l'actualitad, en il decurs da sia vita dentant daventads pli e pli classics ed atemporals.

RTR novitads 16:00

Artitgels legids il pli savens

Scrollar a sanestra Scrollar a dretga