Nus avain fitg blers cas tragics.
Ils clients da la cussegliaziun da daivets n’èn betg exnum las persunas giuvnas sco quai ch’ins pudess pensar. Il spectrum va da 25 fin 70 onns. Era persunas ch’han lavurà l’entira vita, ch’eran forsa sur sasez pon vegnir en ina situaziun da daivets.
La cussegliaziun è pretensiusa.
Ina schletta idea per pajar quints è da surtrair la carta da credit u da prender si in credit pitschen tar ina banca. Dad ina vart pretenda la banca ch’i vegn pajà enavos il credit e latiers vegnan tschains dad 8 fin 12 %.
Per pajar giu ils daivets gida Placi Degonda da far in budget che mussa en il cas ideal in surpli d’entradas. Cun quest surpli pon ils daivets vegnir pajads. Tar persunas cun gronds daivets, nua ch’i smatga fitg – cun notgs senza durmir, cun betg pli purtar la prestaziun tar la lavur – vegn magari era cusseglià da far in concurs privat.
Corona n’ha fin uss betg gì ina grond’influenza sin il dumber da las persunas che dovran cussegl finanzial. Placi Degonda cusseglia en Vita e cretta da vegnir ad uras per laschar cussegliar.