Siglir tar il cuntegn

Header

cuntegn

Podcast Siemis – la lunga notg da l'emancipaziun

Andri Caviezel, in autur giuven ch'è en ina crisa, vegn ospitalisà en la clinica psichiatrica Sonnenberg al lai da Turitg. En ses siemis è el part da muments centrals da l'istorgia dal moviment feministic. El sa senta smanatschà e persequità da las revoltas da las dunnas.

En clinica scuntra Andri la psicologa e feminista Margarita Felix. A l'entschatta s'oppona el cunter las uras da terapia. En dunna Margarita chatta el dentant in visavi attent, ch'è capabla da chanalisar ed ordinar tut las istorgias fantasticas e sfranadas che giran tras ses chau. Avant ch'el chatta da nov sia via sco autur, sto el però sa confruntar cun ses nufs: qua fiss la ferida en connex cun la publicaziun da ses emprim roman sco era la relaziun cun sia amia Mirabai. Ella ha success en sia lavur sco advocata e la dominanza finanziala da sia amia ruja vid la conscienza da sasez d'Andri. El vegn sfurzà da redefinir da nov sia rolla sco um. Quest viadi daventa ina sfida betg mo per el mabain era per sia terapeuta.

audio
Episoda 1: In'emna senza sien
ord RTR Audio dals 25.03.2022.
laschar ir. Durada: 12 minutas 42 Secundas.

Suenter esser vegnì internà cunter sia veglia en psichiatria scuntra Andri en sia emprima sesida da terapia Margarita Felix. En ses chau sa maschaidan siemis, experientschas e fantasias ad in sammelsuri abstrus. Era sia terapeuta para da far part da questas conspiraziuns.

audio
Episoda 2: Las schovinistas
ord RTR Audio dals 25.03.2022.
laschar ir. Durada: 13 minutas 44 Secundas.

Era sche Andri è pli che sceptic entschaiva el cun la terapia. Davos ses siemis ed istorgias confusas sa mussan plaun a plaun ils dramas da sia vita: il conflict en connex cun ses roman e la relaziun vi e pli problematica cun sia amia.

audio
Episoda 3: Groud Zero
ord RTR Audio dals 25.03.2022.
laschar ir. Durada: 12 minutas 27 Secundas.

Suenter pliras emnas en clinica è Andri cumplettamain demoralisà e pers. El sa vesa sco um a la veglia ed or moda – sco cas problematic e toxic. En in acziun da desperaziun sa separa el perquai da sia amia Mirabai e vul chalar cun il scriver.

audio
Episoda 4: Pass per pass
ord RTR Audio dals 25.03.2022.
laschar ir. Durada: 11 minutas 7 Secundas.

Andri è s'endisà a la vita en la clinica e fa emprims pass envers ina reconvalescenza. Cunter tschertas furmas da terapia, sco la gruppa per umens, sa dosta el dentant. Da moda nunspetgada scuvra el da nov ses talent per il scriver.

audio
Episoda 5: Orizonts novs
ord RTR Audio dals 25.03.2022.
laschar ir. Durada: 11 minutas 28 Secundas.

Andri ha decis da terminar la terapia e quai era sche dunna Margarita n'è insumma betg d'accord. Il success da sia nova columna «La lunga notg da l’emancipaziun» ha restabilì la fidanza en sai, uschia ch'el ristga il sigl enavos en la vita.

Fotografia da l'autura ed ils pledaders
Legenda: L'autura Manuela Steiner (3.d.s.) ed ils pledaders e pledadra: Claudia Knapp, Martin Guggisberg e Roman Weishaupt RTR, Guadench Dazzi

Vuschs e producziun

Avrir la box Serrar la box

Scenari: Manuela Steiner e Martin Guggisberg
Cussegliaziun dramaturgica: Rahel Grunder
Reschia, producziun: Manuela Steiner

Ina coproducziun cun RTR
Redacziun, producziun: Guadench Dazzi
Tecnica: Not Franziscus
Redacziun ramurs e musica: Astrid Alexandre

Vuschs:
Andri Caviezel: Roman Weishaupt
Margarita Felix: Claudia Knapp
Martin Sigrist: Martin Guggisberg

Translaziuns:
Sursilvan: Claudio Spescha
Vallader: Guadench Dazzi

Cun il prezius sustegn da:
Biblioteca Engiadinaisa, Corporaziun Energia Engiadina CEE, Universität Zürich / Abteilung Gleichstellung und Diversität, allience F, Stiftung Mercator Schweiz, Muntwyler Stiftung

 

Artitgels legids il pli savens