Siglir tar il cuntegn

Header

purtret da peter zumthor.
Legenda: Peter Zumthor vegn undrà da la citad da Cuira cun il Premi da cultura. Keystone
cuntegn

Premi da la citad da Cuira Premi da cultura per Peter Zumthor

Cun il Premi da cultura vegnan undrads artists che han creà sur blers onns ovras da gronda muntada. Il premi è dotà cun 8'000 francs e vegn surdà mintga trais onns. Quest onn vegn Peter Zumthor da Haldenstein undrà cun il premi da la citad da Cuira.

L'architect Peter Zumthor tutga tar ils pli enconuschents architects svizzers. Divers da ses bajetgs en Grischun han gia survegnì renconuschientscha internaziunala. Per exempel la chapella Son Benedetg a Sumvitg u la Therme Vals. Er sin territori da Cuira ha l'Atelier Peter Zumthor procurà per l'abitadi da vegls Cadonau u l'Ensemble Zumthor a Haldenstein.

Cun grond respect e gronda savida d'in lieu, l'ierta e la cultura locala sco er cun l'istorgia architectonica, haja Zumthor l'abilitad da stgaffir bler dapli che be bajetgs, scriva la citad en ina communicaziun. Plinavant mettia el fitg bler pais sin las materialias.

Surdà ulteriurs premis da promoziun e da renconuschientscha

Dasper il Premi da cultura per Zumthor, ha la citad er surdà ulteriurs premis da renconuschientscha e da promoziun. Mintgamai in premi da renconuschientscha han survegnì l'istoricher d'art Leza Dosch, la contrabassist Andrea Thöny, la schurnalista Margrit Sprecher e la Galeria Cuadro22. In premi da promoziun ha survegnì l'artist Piero Good. Quests premis èn dotads cun mintgamai 4'000 francs.

Ord l'archiv:

video
Ils mastergnants dal maister – Lavurar cun Peter Zumthor
Or da Cuntrasts dals 20.04.2018.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga