Siglir tar il cuntegn

Header

audio
Alice Kühne: «Jau hai vivì blers onns senza in'abitaziun»
Or da Profil dals 15.05.2021.
laschar ir. Durada: 57:30 minutas.
cuntegn

Profil cun Alice Kühne «Jau hai vivì blers onns senza in’abitaziun»

Ella pregia da prender patgific en la vita, sezza però fila ella cun tutta forza cun ses velo giu per costas stippas. Alice Kühne da Scuol tutga tar las dunnas pionieras per il sport da downhill en Svizra. Cun 16 onns ha ella cumenzà ina carriera exemplarica, cun be 24 onns era tut finì. En il mund da sport ha ella fatg l’experientscha che be ils resultats quintan, l’atleta vegn a la curta. Quai vul ella midar uss. Cun in studi da psicologia e da sport en il satgados ha ella puspè chattà la storta cun il mund da downhill ed ha cumenzà a s'engaschar per las dunnas ed ils giuvenils en il sport. Entant è ella era trenadra da la squadra naziunala Svizra da downhill.

Millis da kilometers fa ella mintg’onn cun l’auto da cursa, a job, a trenament. Durant blers onns ha ella vivì be en hotels, ina nomada senz’abitaziun. Ed en tut questa vita plain speed, ha ella adina era tschertgà la quietezza interna. Sport e psicologia van per ella maun in maun – en il center è adina l’uman per la psicoterapeuta e terapeuta da sport. Latiers lavura ella cun ipnosa, cun yoga, adina orientada a la situaziun. Ina da las pli grondas sfidas fin uss è però stada da chattar in’abitaziun pajabla en Engiadina.

RTR Profil 09:00

Artitgels legids il pli savens

Scrollar a sanestra Scrollar a dretga