La Viafier retica è per uschè dir gia en la ADN da la famiglia. Gia ses non e ses bab lavuravan per la Retica e per in nair d’in ungla fiss el schizunt naschì sin la lingia da l’Alvra.
Gian Brüngger (72) è creschì si sper staziun a Samedan. Gia sco mat e giuvenil era el mintga minuta libra sper ils binaris. Pli tard ha el lura lavurà sin differentas staziuns en Grischun. Da l’entschatta davent ha el era ramassà documents, material e fotografias che han da far cun l’istorgia da la viafier en Grischun. El ha oz in archiv persunala cun passa 20’000 fotografias ed ha scrit cudeschs davart la lingia da l’Alvra ed il Bernina sco er davart vaguns e locomotivas istoricas.
Gian Brüngger vala perquai sco enciclopedia sin duas chommas sch'i va per l’istorgia da la Retica. La fin da sia carriera era el il responsabel per la planisaziun da la Viafier retica a Cuira ed ha uschia stuì guardar enavant, dentant di el:
Sch'insatgi guarda mo enavant survesan ins ils sbagls ch'èn gia vegnids fatgs!
1 / 3
Legenda:
La locomotiva 601 da la Viafier retica è vegnida messa en funcziun il fanadur 1947, il mais ed onn che era Gian Brüngger è naschì.
MAD, Gian Brüngger
2 / 3
Legenda:
«La nona» ina da las locomotivas che circulavan a Samedan cur che Gian Brüngger era in mattet. Ed ina da sias locomotivas preferidas.
MAD, Gian Brüngger
3 / 3
Legenda:
Il char-salun «Bener» fabritgà il 1929 è tenor Gian Brüngger il pli bel e spezial vagun da la Viafier retica.
MAD, Gian Brüngger
