En Bolivia ha Jana Carigiet er scuvert il sport, il fitness. Dapi lura è ella intgantada dal fitness e vuless er dar vinavant quai a dunnas giuvnas. E far curaschi dad er auzar paisas.
Jau hai gì 10 mais naginas obligaziuns, tuttas libertads ed en scola hai jau er stuì far nagut – sco 10 mais vacanzas
Creschida si è Jana Carigiet cun ses dus fragliuns e cun la mamma. Il bab ha fatg suicidi cura che Jana aveva strusch quatter onns.
Per mai è quai sco normal da crescher si senza bab
Enstagl è la colliaziun tar la mamma fitg stretga. Mintga dumengia sesan ils Carigiets in curt mument ensemen per dar ina baterlada.