Siglir tar il cuntegn

Header

video
RTR - la show - Mafia (Stafla 1, Episoda 15)
Or da RTR Comedy dals 18.05.2022.
laschar ir. Durada: 24 minutas 36 Secundas.
cuntegn

RTR Comedy Mafia – La show

La 'Ndrangheta, Cosa Nostra, Lia Rumantscha ... u simplamain: La Mafia! La show dat ina egliada pli pitgiva sin las fatschentas dubiusas da la criminalitad organisada era en il Grischun.

«Quai na datti betg tar nus!», na pon ins atgnamain betg pli dir dapi che pliras persunas cun connex tar la criminalitad organisada oriunda da l'Italia èn vegnidas arrestadas ils ultims onns en il Grischun.

Mafiosi en il Grischun datti, malgrà ch'ins na vesa els betg bain. Las fatschentas tschuffas vegnan fatgas bain savens ord lieus pitschens sco retschertgas da la polizia taliana e da la polizia federala da la Svizra (Fedpol) mussan.

Ina analisa ord vista sociologica sa chatta en l'emissiun Kontext cun Zora Hauser.

Sepp vacca e la mafia

In cass pli prominent è quel da Giuseppe Larosa «Peppe la mucca» ch'è vegnì sentenzià en l'Italia. Quest «Sepp vacca» ha abità durant intgins onns a Pragg-Jenaz. El è in commember da la criminalitad organisada da la 'Ndrangheta oriunda da la Calabria.

Carta da l'Italia cun la derivanza: Camora da la Campagna, 'Ndrangheta da la Calabria, Cosa Nostra da la Sicilia
Legenda: RTR

Commembers da la Mafia ch'abitan en il Grischun èn tenor las retschertgas da la polizia enconuschentas fin uss, plitost stgars.

Dapli stgaffas da brevs che mafiosi

Fatschentas che han forsa in connex cun la criminalitad organisada datti magari pli bleras en il Grischun. Ina spezialitad grischuna èn daventadas las uschenumnadas societads fictivas, las firmas da stgaffa da brevs. Da quellas chatt'ins anc adina bleras en il Mesauc, malgrà ch'ils process d'annuziar interpresas novas èn vegnids adattads il 2017.

audio
Mafia: Firmas da stgaffa da brevs en il Mesauc
ord Actualitad dals 20.05.2022.
laschar ir. Durada: 4 minutas 1 Secunda.

En il Mesauc èn las societads fictivas vegnidas pli stedi, suenter ch'il chantun Tessin ha midà leschas per impedir che societads fictivas cun lioms tar la criminalitad organisada sa chasian en il chantun. Era uschiglio datti differenzas tranter las unitads politicas che pon esser en favur da fatschentas dubiusas. Entant ch'en l'Italia vegnan schizunt publitgads ils nums da tuts arrestads en gasetta na vegn ins en Svizra a savair quasi nagut sur da suspectads d'esser commembers da criminalitad organisada. Quai engrevgescha mainsvart era retschertgas schurnalisticas.

audio
Mafia: Discurs cun Claudia Cadruvi davart las retschertgas e mafiosi en GR
ord Actualitad dals 20.05.2022.
laschar ir. Durada: 5 minutas 4 Secundas.

Ed uss anc quest:

DVD da Karaoke OK! da Marucs ed Alexi (sic!)
Legenda: RTR, foto: www.alexiemarcus.ch

Betg empustabel: DVD Karaoke Alexi e Marucs.

Sche Vus essas da Domat, lura scrivai Vossa reclamaziun per plaschair sin lashow@rtr.ch

Grazia.

ed uss: BETG CLICCAR SIN IL VIDEO!!!!

RTR Comedy

Artitgels legids il pli savens

Scrollar a sanestra Scrollar a dretga