Da quai da 240 milliuns francs custan las vias chantunalas en il Grischun mintga onn ed uschia furman las vias in post da finanziaziun speziala pli grond che quel per ospitals (incl. psichiatria) en il quint dal chantun.
Areguard da la grondezza dal chantun Grischun na fa la cifra forsa betg surstar. Pli surprendents èn però ils detagls: Tge vias vegnan propi duvradas bler? E tge vias custan be bler? E quant custa il far ora naiv sin las vias chantunalas mintg'onn? Cun quai che strusch insatgi legia quest text avant che cliccar sin il video n'èsi nagin problem da far il spoilern questa cifra: Igl èn 30 milliuns francs. Mintga onn. Betg mal per far ora naiv.
Impressaris grischuns? Qua era bain anc insatge?
Jup. Il scandal enturn cunvegnas da pretschs tranter ils impressaris en tut il chantun. Ina detga istorgia. Ma quai èn bain tempi passati e tut liquidà, na? Betg tut, na. La rolla dal chantun è anc da sclerir. E per quels che legian propi anc quest text qua: Gea, il chantun ha gì ina rolla en il scandal e quella vegn da preschent intercurida da la cumissiun parlamentara d'inquisiziun PUK.
En il departament dal cusseglier guvernativ Mario Cavigelli n'han ins pervia da quai nagina tema, sco i para en l'intervista cun il schef dal Departament d'infrastructura, energia e mobilitad. Sper in pèr respostas interessantas datti era ina massa «Ähs». E nus als avain dumbrà. No shice. So. E quai qua legia uss propi nagin pli uschia ch'ins po chalar. Be tant: Sche Vus, preziada lectura, prezià lectur essas da Domat: scrivai sin lashow@rtr.ch per dar Voss parairi. Grazia.
