Siglir tar il cuntegn

Header

video
4 dumondas a Flavio Deflorin davart «METTA DA FEIN»
Or da RTR Social dals 17.07.2020.
laschar ir
cuntegn

seria-web RTR La seria-web «METTA DA FEIN»

RTR producescha sin fin 2020 l'emprema seria-web ficziunala rumantscha dals auturs Carlo Beer ed Urs Berlinger. L'istorgia è ina cumedia naira e vegn filmà das 20-7-2020 enfin ils 8-8-2020 a Vrin en la Val Lumnezia.

Nus vivain en in mund «à la carte», en in mund ch’ils umans pon tscherner tge purschida da medias u d’infurmaziun ch’els vulan nizzegiar – e quai cura e nua ch’els vulan. Ina da las incumbensa da RTR è era quella da nizzegiar las pussaivladads digitalas per ademplir ses mandat da prestaziun ed uschia cuntanscher il public il pli vast pussaivel – era ils giuvens.

Cun questa seria-web vul RTR cuntanscher il public che sa mova plitost sin plattafurmas da streams sco per exempel Netflix, Disney+, Spotify & co. La seria pon ins alura guardar sin ils chanals rtr.ch e sin Play RTR. Medemamain vegn ella publitgada sin Play Suisse, la nova plattafurma naziunala da la SRG SSR.

2019 ha RTR lantschà ina concurrenza per ina seria-web rumantscha. 12 dossiers èn vegnids inoltrads. Da quests èn 6 vegnids tschernids ed ils auturs/las auturas èn vegnidas envidadas ad ina preschentaziun. Ina gruppa da lavur ed ina giuria dal fatg ha la finala selecziunà l’istorgia «Metta da fein» da Carlo Beer ed Urs Berlinger. L’istorgia ha persvas cun la tematica dal mitus rumantsch da la «Metta da fein» che prest mintg’uffant sursilvan enconuscha. La «Metta da fein» è ina figura misteriusa che taglia giu las chommas a quels che van tras il prà avant ch’il pur ha segà quel.

L'istorgia da «METTA DA FEIN»

En in vitget en la Surselva vegnan regularmain chattads animals cun chommas tagliadas giu. La pitschna cuminanza è tementada. Entant che plirs abitants crain vi d’in mitus, emprova il policist da sclerir il cas, quai però senza success. Ils mazzaments s'augmentan sco er la disfidanza dals abitants dal vitg. La seria da mazzaments finescha cun ina catastrofa a la festa dal vitg.

Carlo ed Urs durant chattar in bun lieu per filmar la seria-web METTA DA FEIN
Legenda: Carlo ed Urs durant chattar in bun lieu per filmar Carlo ed Urs durant chattar in bun lieu per filmar la seria-web METTA DA FEIN mad

Il team da la «METTA DA FEIN»

Ils acturs e las acturas da «METTA DA FEIN»

Ils acturs e las acturas da «METTA DA FEIN»
Aldo, policist communalRené Schnoz
Elvira, calustraTina Bundi
Sur Luzius, plevonRoman Weishaupt
Linus, postinCurdin Caviezel
Gabi, guardiaselvaschinaMarietta Jemmi
Gian Marco, veterinariDavid Flepp
Bastgaun, president communalUrsin Derungs
Margritta, dunna da BastgaunEsther Berther
Pius, figl da BastgaunGian Carlo Capaul
Ursula, amia da PiusLaura Maria Schmed
Stiafen, ami da PiusLucas Defuns
Marietta, possessura d’andasMargreta Riedi
Mudest, purGuido Caviezel

Ils dus auturs e reschissurs

Carlo Beer

Carlo Beer (*1985) è creschi si a Sedrun. Suenter l’emprendissadi da cuschinier ha el passentà tschintg onns a Los Angeles. Durant quel temp ha el cumenzà a scriver e da s’interessar per il film. Suenter che Carlo Beer è turnà en Svizra, ha el fatg la matura ed ha lavurà en differentas professiuns. Da 2015 tochen 2020 ha el studegià reschissur e librettist da film a la Scola Auta d’Art (ZHdK) e realisà plirs films curts. Carlo abitescha a Turitg.

Carlo Beer, 35 onns ed oriunds da Tujetsch
Legenda: Carlo Beer Carlo Beer, 35 onns ed oriunds da Tujetsch Jérémie Sarbach

Urs Berlinger

Suenter avair absolvì l’emprendissadi sco electromontader, ha Urs Berlinger entschet a s’interessar per il film. Grazia a studi autodidactic ha el acquistà sia emprima savida da la camera. Il 2014 è Urs Beglinger stà per in onn en l’Australia ed ha frequentà a Melbourne la scolaziun «Diploma of Screen and Media». Suenter in praticum sco cutter ha el fatg il studi da film a la Scola auta d’art a Turitg, la ZhdK. Il 2020 ha el terminà il studi cun il diplom da bachelor cun la spezialisaziun en il rom reschia.

Urs Berlinger, 30 onns ed oriunds da Beckenried a Sutsilvania
Legenda: Urs Berlinger, 30 onns ed oriunds da Beckenried a Sutsilvania Urs Berlinger, 30 onns ed oriunds da Beckenried a Sutsilvania mad

La firma da producziun

Participada al project è er la firma da producziun «Filmgerberei GmbH». Quest team planisescha e producescha la seria dal casting fin al tagl final.

Il team da producziun da «METTA DA FEIN»

Il team da producziun da «METTA DA FEIN»
IncumbensadraRTR Radiotelevisiun Svizra Rumantscha
Producent RTRFlavio Deflorin, RTR
Reschia e scenariCarlo Beer e Urs Berlinger
ProducziunFilmgerberei GmbH, Nadine Lüchinger, Flavio Gerber
Direcziun da la producziunLilith Verny
CameraSimon Denzler
Tagl/montaschaFlorian Geisseler, Hubert Schmelzer
MusicaCarmen Nuñez
MaletgTringa Vladaj
CostumsSabrina Bosshard
TunMourad Keller
CastingMarina Blumenthal, Carlo Beer, Urs Berlinger

Tar ulteriuras dumondas:

Flavio Deflorin
flavio.deflorin@rtr.ch
+41 58 136 30 82

Artitgels legids il pli savens

Scrollar a sanestra Scrollar a dretga