«Ich bin’s Frank» è in teater che maschaida siemis, ficziun e realitad. L’actura dal teater è Julia Häusermann ch'ha il sindrom da Down è che sa numna sin il palc Frank. Quel num deriva da ses grond idol Frank Levinsky or da la telenovela “Verbotene Liebe”.
Jau vul far curaschi d’esser uschè co ch'ins è.
Il public era fascinà da la praischtaziun da Julia Häusermann. Ses curaschi da star sin il palc ubain pervi da ses plaschair vi da la vita, ils motivs per quella fascinaziun èn vasts. Fascinà ha era la moda da s’exprimer sin il palc – ina moda fitg natirala ed autentica.
Julia Häusermann ha terminà avant 10 onns la scolaziun da praticra da teater cun success. Per sia lavur professiunala ha ella gia survegnì premis internaziunals ed ha tranter auter giugà sin palcs en l’Asia ed en l’America.