Siglir tar il cuntegn

Header

cuntegn

Teater «Loneliness Kills Anna» Il killer dal solitari

Il duo Kappeler/Zumthor ha gia manipulà la sunaria dal Postplatz a Cuira e sfundrà entirs clavazins en l’aua. Ussa porta Peter Conradin Zumthor ses emprim teater sin ils palcs – e las mirveglias dal public en las salas.

Igl è in novum per Peter Conradin Zumthor (40): Quests dis preschenta il Teater Cuira «Loneliness Kills Anna», l’emprima inscenaziun dramaturgica dal percussiunist da Haldenstein. Quai vul dir: Zumthor ha scrit sez il toc, e la musica ha el cumponì ensemen cun Vera Kappeler.

audio
Il killer dal solitari
52:02 min, Magazin da cultura dals 01.02.2020.
laschar ir. Durada: 52:02 minutas.

Il toc tematisescha la solitariadad, in fenomen dal qual blera glieud veglia patescha. Nus avain inscuntrà Zumthor avant la premiera e discurrì cun el davart il sa sentir isolà, quant fitg ch'il destin da si'atgna mamma al ha intimà da scriver il toc – e tge ch'in policist englais ha da far cun ses project.

audio
Peter Conradin Zumthor: in purtret
06:10 min, Magazin da cultura dals 01.02.2020.
laschar ir. Durada: 06:10 minutas.
audio
Il toc da teater «Loneliness Kills Anna»
08:42 min, Magazin da cultura dals 01.02.2020.
laschar ir. Durada: 08:42 minutas.

Tip persunal: «Symbiotic seeing» dad Olafur Eliasson

El è ina da las impurtantas vuschs da l'art che s'engascha per il meglierament dal clima: l'artist danais-islandais Olafur Eliasson. Enconuschent è il superstar da l'art per grondas installaziuns en gronds museums. Actualmain preschenta il Kunsthaus a Turitg sia exposiziun «Symbiotic seeing». Tge stat davos il hype? Nus avain dà in sguard.

audio
Tip persunal: «Symbiotic seeing» dad Olafur Eliasson
03:34 min, Magazin da cultura dals 01.02.2020.
laschar ir. Durada: 03:34 minutas.

La Reprisa: Bertilla Giossi als Dis da film a Soloturn

Bertilla Giossi ha pudì mussar ses film «Made in China – La digitalisaziun dal dicziunari rumantsch grischun» als Dis da film a Soloturn, l'unic film rumantsch. Nus avain accumpagnà l'autura en la sala da kino.

audio
La Reprisa: Bertilla Giossi als Dis da film a Soloturn
03:49 min, Magazin da cultura dals 01.02.2020.
laschar ir. Durada: 03:49 minutas.

Litteratura

L’emprim cudesch da cuschinar „Pure Leidenschaft“ dal cuschinier da renum Andreas Caminada è ina decleraziun d’amur a sia patria ed ina reverenza a la cuschina simpla.

audio
Litteratura: «Pure Leidenschaft» dad Andreas Caminada
04:48 min, Magazin da cultura dals 01.02.2020.
laschar ir. Durada: 04:48 minutas.

Artitgels legids il pli savens

Scrollar a sanestra Scrollar a dretga