Siglir tar il cuntegn

Header

audio
«Er ina societad pli e pli seculara dovra edifizis sacrals»
Or da Vita e cretta dals 16.10.2022.
laschar ir. Durada: 57 minutas 4 Secundas.
cuntegn

Vita e cretta «Er ina societad pli e pli seculara dovra edifizis sacrals»

L’expert da construcziun sacrala Johannes Stückelberger declera, pertge che baselgias na vegnan er en 100 onns betg a perder lur numerusas funcziuns. I dovria dentant novas ideas ed impuls per mantegnair ellas, er en il Grischun.

Baselgias èn lieus da silenzi, da reflexiun, lieus da veneraziun e spiritualitad. Ma betg mo quai. Ellas èn era monuments culturals da grond’impurtanza, edifizis che regordan nus umans a nossa lunga istorgia. Era furman e structureschan las baselgias nossas cuntradas e nossas citads.

Las baselgias han schizunt ina muntada per umans, che na mettan mai pe en ellas. Ellas dattan a nus ina identitad ed èn ferms simbols dal spiert da cuminanza da las vischnancas. Gia la preschientscha da las baselgias en ils lieus è da gronda impurtanza.
Autur: Johannes Stückelberger docent per estetica sacrala e professer per istorgia d’art

Johannes Stückelberger è docent per estetica sacrala a la facultad teologica da l’universitad Berna e professer per istorgia d’art moderna a l’universitad da Basilea. El ha accumpagnà e cusseglià numerus projects da reutilisaziun d’edifizis sacrals en Svizra. Cun ina tala reutilisaziun dettia novas pussaivladads da segirar il mantegniment e la renovaziun d’edifizis sacrals era en l’avegnir.

En il chantun Grischun è la situaziun speziala pervia dals numerus edifizis sacrals ch’èn savens fitg vegls. Fin ussa datti qua mo paucs projects da reutilisaziun da quels edifizis. Dentant era inqual exempel da success.
Autur: Johannes Stückelberger docent per estetica sacrala e professer per istorgia d’art

Pertge ch’ins ha gist en il Grischun retegnientschas en connex cun la reutilisaziun d’edifizis sacrals, pertge che quai è tuttina er en urden sch'ina baselgia na vegn betg utilisada durant in temp pli lung e tgenina ch’è la rolla speziala da las claustras, quai udis en Vita e cretta.

La baselgia da Lon sin la Muntogna da Schons
Legenda: La baselgia da Lon sin la Muntogna da Schons RTR, RAFAEL MÜLLER
audio
«Er ina societad pli e pli seculara dovra edifizis sacrals» – part 1
ord Vita e cretta dals 16.10.2022.
laschar ir. Durada: 7 minutas 45 Secundas.
audio
«Er ina societad pli e pli seculara dovra edifizis sacrals» – part 2
ord Vita e cretta dals 16.10.2022.
laschar ir. Durada: 5 minutas 51 Secundas.

Vita e cretta 08:00

Artitgels legids il pli savens

Scrollar a sanestra Scrollar a dretga