Siglir tar il cuntegn

Header

audio
Exista la Baselgia refurmada anc en 100 onns?
Or da Vita e cretta dals 02.10.2022. Bild: ©Julia Taubitz, unsplash.com
laschar ir. Durada: 57 minutas 46 Secundas.
cuntegn

Vita e cretta Exista la Baselgia refurmada anc en 100 onns?

As regurdais Vus anc da quels temps, cura che ir a messa tutgava tar la vita da mintgadi? Cura che quasi tuts e tuttas faschevan part da la Baselgia catolica u refurmada, senza metter en dumonda quai? Quai ch’è stà la realitad anc avant 50 onns è oz auter. E co pudess quai esser en l’avegnir?

Oz èn mo pli sis da diesch persunas anc commembers e commembras da las grondas cuminanzas cristianas en Svizra, quai mussan las cifras actualas da l’Uffizi federal da statistica. Cunzunt la cuminanza evangelica sto supportar ina gronda digren da commembers.

Tgi sa sch’i vegn insumma anc a dar il chantun Grischun en 100 onns? Jau suppon che uschè ditg ch’i dat il chantun Grischun, vegni er a dar la Baselgia refurmada grischuna.
Autur: Michel Müller preditgant e president dal cussegl-baselgia refurmà da Turitg
Michel Müller, preditgant e president dal cussegl-baselgia refurmà da Turitg
Legenda: Tenor Michel Müller, preditgant e president dal cussegl-baselgia refurmà da Turitg, vegnian ils circuls evangelicals savens survalitads. Jonathan Labusch

En il rom da la seria «Il Grischun en 100 onns» da RTR dumonda Vita e cretta: Datti insumma anc las grondas baselgias cristianas, la Baselgia catolic-romana e la Baselgia evangelic-refurmada, en 100 onns? E sche gea, co pudessan quellas esser organisadas? E co pudessan ellas surviver?

La purschida da la baselgia correspunda oz anc memia pauc a la glieud e lur pretensiuns. Jau manegel ch’ins stuess furmar novas structuras ed organisaziuns individualas, cunquai ch’ils basegns dals umans èn cumplex e divers.
Autur: Anja Felix-Candrian preditganta refurmada
Anja Felix-Candrian, preditganta refurmada che viva a Sagogn
Legenda: Anja Felix-Candrian, preditganta refurmada che viva a Sagogn, è da l'idea che las structuras da la baselgia stuessan esser pli flexiblas e ch'ins pudess agir cun dapli curaschi en connex cun reorganisar la baselgia. RTR

Questa giada stat la Baselgia refurmada en il center. Duas persunas che sa fatschentan intensivamain e da maniera professiunala cun la Baselgia refurmada ristgan prognosas, formuleschan ipotesas e palaisan in u l’auter giavisch per il futur da lur baselgia: Anja Felix-Candrian, preditganta refurmada che viva a Sagogn e Michel Müller, preditgant e president dal cussegl-baselgia dals refurmads en il chantun Turitg. El sa fatschenta gia dapi onns cun l’avegnir da la Baselgia refurmada.

audio
Exista la Baselgia refurmada anc en 100 onns?
ord Vita e cretta dals 02.10.2022.
laschar ir. Durada: 9 minutas 42 Secundas.

RTR Vita e cretta 08:00

Artitgels legids il pli savens

Scrollar a sanestra Scrollar a dretga