Dapi passa 35 onns s’engascha l’Archiv cultural da l’Engiadin’Ota per il mantegniment da l’ierta culturala da la regiun. Entant posseda l’instituziun publica millis e millis da documents. Quels eran dapi la fundaziun da l’archiv il 1988 dachasa en la Chesa Planta a Samedan. Cun la midada dals documents en la Chesa Planta a Zuoz, cumenzia ina nov’èra per l’Archiv cultural, declera il president Lucian Schucan durant la preavertura:
La memoria istorica da l’Engiadin’Ota è oz turnada en in lieu cun gronda istorgia. Qua sa chattava pli baud era l’archiv da la famiglia Planta. Cunquai che nus avain survegnì oz la genealogia da la famiglia von Planta, sa serra il rintg en in tschert senn.
Avant far midada cun las 2’100 stgatlas da Samedan a Zuoz haja l’Archiv cultural da l’Engiadin’Ota fatg in’acziun da decollecziunar tscherts documents per betg avair rauba dubla en la collecziun da l'archiv. Vitiers tar la collecziun en las novas localitads da la Chesa Planta a Zuoz vegnian anc 600 stgatlas da l'archiv da l’hotellaria svizra. Empè da tschintg abitaziuns èn suenter la sanaziun anc duas unitads che vegnan dadas a fit. Il rest dal plaz stat a disposiziun per ils documents d’art, d'architectura, da lingua u da musica .
-
Bild 1 von 11. Il president da l'Archiv cultural da l’Engiadin’Ota survegn la genealogia da la famiglia von Planta. Bildquelle: RTR.
-
Bild 2 von 11. La genealogia da la famiglia von Planta – pia ina exploraziun da la derivanza da la famiglia e las relaziuns tranter ils antenats e las antenatas. Bildquelle: RTR.
-
Bild 3 von 11. Bildquelle: RTR.
-
Bild 4 von 11. Cun luschezza mussa il president da l'Archiv cultural la nova localitad a Zuoz – il cumenzament d'ina nov'èra. Bildquelle: RTR.
-
Bild 5 von 11. Bildquelle: RTR.
-
Bild 6 von 11. Bildquelle: RTR.
-
Bild 7 von 11. Ils millis e millis documents da l'Archiv cultural da l'Engiadin'Ota èn da nov dachasa a Zuoz. Bildquelle: RTR.
-
Bild 8 von 11. Bildquelle: RTR.
-
Bild 9 von 11. Bildquelle: RTR.
-
Bild 10 von 11. Bildquelle: RTR.
-
Bild 11 von 11. Bildquelle: RTR.
Avertura retardada
Che l’Archiv cultural da l’Engiadin’Ota avra sias portas pir l’avust da quest onn – empè sco planisà gia avant in onn – haja gì da far d'ina vart cun problems da statica ch’èn pir vegnids a la glisch cun las lavurs da sanaziun, declera Lucian Schucan. Ultra da quai haja il virus da corona impedì las lavurs. Era la mort da Dora Lardelli – che manava l'Archiv cultural da l'Engiadin'Ota – haja laschà enavos ina gronda fora en il team.
Or da l'archiv