La vita en las muntognas ans fa adina puspè surstar. Igl è in cumbat. In cumbat cun la natira che po cunzunt d’enviern esser dir e brutal. Ma er in cumbat cunter inimis sco lufs, evlas, vulps u en temps da chalira er cunter concurrents en l’agen triep.
Il film raquinta l’istorgia da Becco, in capricorn en las muntognas dal Parc Naziunal Gran Paradiso, e quai da sia naschientscha enfin tar sia mort tras in accident indesch onns pli tard. Cun Becco vesain ed udin nus ils privels, las sfidas ed ils plaschairs d’ina vita da capricorn. E nus emprendain er ad enconuscher ils trics e las qualitads che gidan il capricorn dad esser l’animal il pli adattà per ina vita en muntogna.
In film da Véronique, Anne ed Erik Lapied.
Film vegn emess en duas parts
Avrir la boxSerrar la box
La premiera da l'emprima part dal video è dumengia, ils 19 da favrer 2022, a las 17:25 sin SRF1 u sin rtr.ch.