Siglir tar il cuntegn

Header

video
Dal morder ed autras morsas
Or da Cuntrasts dals 06.02.2022.
laschar ir. Durada: 25 minutas 29 Secundas.
cuntegn

Cuntrasts Dal morder ed autras morsas

Ina morsa d’in animal po metter la vita sin il chau. «Jau era stanchel, aveva fevra e nagina forza pli – nagut è pli sco avant», raquinta Mario Candreia ch’è vegnì mors d’ina zecca. Quant fitg ch’igl è da morder sin ils dents per ina carriera sportiva mussa il purtret dal biatlet Eligius Tambornino.

Mintga carstgaun ha ina dentadira unica, analog a l’impronta dal det u la DNA. Perquai gioga la dentadira era ina rolla en la forensica. Tut tenor quant fitg ch’ils dents èn isads e tge posiziun ch’els han, pon ins chattar ora bler d’ina persuna. Quasi: cun morder chattan ins il morder. Dapli gieus da pleds en noss prolog murdent.

video
Gieu da pleds murdent
Or da Cuntrasts dals 06.02.2022.
laschar ir. Durada: 1 minuta 36 Secundas.

En in’entira vita mastgan e manizzan ils dents var 18'000 tonnas mangiativas. I n’è pia betg ina surpresa, ch’il muscul da mastgar è il pli ferm muscul dal corp. Cun morder sin ils dents pon ins sviluppar forzas enormas. In ch'ha gì da morder bler sin ils dents è il biatlet Eligius Tamobornino. Malgrà ch’el ha mai propi fatg furora en il sport ha el cumbattì passa 20 onns. Ils davos mais ha el dà tut per sa qualifitgar la davosa giada per ils gieus olimpics.

video
Morder sin ils dents per ina carriera sportiva
Or da Cuntrasts dals 06.02.2022.
laschar ir. Durada: 8 minutas 57 Secundas.

Ellas èn mo in millimeter grondas – las zeccas. Ma savens èn ils animals ils pli pitschens, ils pli privlus per ils carstgauns. Ina morsa basta ed en in da tschient cas dat la zecca vinavant las bacterias da borreliosa. Ina malsogna perfida. Mintg’onn s’infecteschan en Svizra fin a 10'000 persunas cun borreliosa. Co ch'ina tala morda po midar la vita mussa l’exempel da Mario Candreia.

video
Ina zecca che ha midà la vita
Or da Cuntrasts dals 06.02.2022.
laschar ir. Durada: 5 minutas 40 Secundas.

RTR Cuntrasts

Artitgels legids il pli savens

Scrollar a sanestra Scrollar a dretga