Anc fin curt avant las cursas era intschert, sche las cursas da chavals pon insumma avair lieu: las plievgiadas dals dis ed anc la notg avant eran ina sfida per il terrain da la pista natirala dal Rossriet. Ma lura è tut vegnì bun, anzi, fitg bun.
Dus chavals – duas speranzas
La notg sin ils dus d’october ha er Duri Casty da Zuoz telefonà a Maiavilla per savair, sche las cursas hajan insumma lieu. Ses dus chavals, la «Fleur d’Ipanema» ed il «Fou de Rêve», eran trenads, fits e pronts per la cursa. Dentant Ruedi Niederer, il president dal comité d’organisaziun, na pudeva betg anc dir dapli. Gia las tschintg a bun’ura era el en chomma per examinar sez il terren e stueva conceder:
I penda vi d’in fil.
Glisch verda per il di da cursas
Pir en per l’avantmezdi è vegnì il levgiament. Lura cura che la cumissiun naziunala ha mesirà cun ses penetrometer, quant profund ch’il terren era. Curt avant il start planisà da l’emprima cursa han els lura pudì dar liber – ed ils chavals han tuttina pudì galoppar ils dus d’october sin la pista da cursa Rossriet a Maiavilla.
... ed i pon tuttina galoppar
-
Bild 1 von 7. «I penda vi d’in fil»,. di il president dal comité d’organisaziun anc la bun’ura las 05:00. Bildquelle: RTR.
-
Bild 2 von 7. Aua nua ch'ins mira –. ina bun’ura be aua e pultauns sin ed enturn la plazza da cursa Rossriet. Bildquelle: RTR.
-
Bild 3 von 7. Glisch verda –. il «penetrometer» mussa ch’il terren dal Rossriet è segir avunda per ils chavals. Bildquelle: RTR.
-
Bild 4 von 7. En ils stivals e dai –. igl è da dar gas per che tut funcziunia. Bildquelle: RTR.
-
Bild 5 von 7. Cun plaina forza cunter la belma –. las plievgiadas dals dis e la notg avant la cursa han chaschunà lavur e rumpatesta. Bildquelle: RTR.
-
Bild 6 von 7. Il «Rossriet» –. la plazza da cursa a Maiavilla è durant passa 350 dis ad onn ina pastgira da muvel e chavals. Bildquelle: RTR.
-
Bild 7 von 7. Uss pon els currer –. curt avant la partenza a l’emprima cursa. Bildquelle: RTR.
Tut en tut hai dà 9 cursas cun ina tschinquantina da chavals, 4’000 aspectaturas ed aspectaturs, 94’000 francs premias – ed ina victoria engiadinaisa, per il zuozingher Duri Casty e ses schimmel «Fou de Rêve»:
Da nar, quel chaval, simplamain da nar!
Ils chavals da pursang da l'Engiadina
-
Bild 1 von 7. La «Fleur d’Ipanema» ha nov onns e tutga a la Stalla Forzagricula da Duri Casty. Bildquelle: RTR.
-
Bild 2 von 7. Questas guttas duajan gidar a «Fleur» dad avair in bun tegn sin la pista da cursa. Bildquelle: RTR.
-
Bild 3 von 7. «Fleur d’Ipanema» daventa cun sia jockey Naomi Heller segunda en sia cursa. Bildquelle: RTR.
-
Bild 4 von 7. Il schimmel «Fou de Rêve» è stà ferì e turna uss per l’emprima giada suenter ina lunga pausa ad ina cursa d’obstachels. Bildquelle: RTR.
-
Bild 5 von 7. «Fou de Rêve» mussa, tge ch’el sa, e gudogna cun Ondrej Velek suveranamain. Bildquelle: RTR.
-
Bild 6 von 7. Suenter la posa pervi da la ferida ina victoria nunspetgada dal schimmel «Fou de Rêve». Bildquelle: RTR.
-
Bild 7 von 7. Duri Casty ha mess sin il dretg chaval cun cumprar il schimmel. Bildquelle: RTR.
