Siglir tar il cuntegn

Header

video
I vegn quiet – Damain utschels ed insects er en il Grischun?
Or da Cuntrasts dals 10.10.2021.
laschar ir
cuntegn

Cuntrasts I vegn quiet – Damain utschels ed insects er en il Grischun?

Las cifras èn alarmantas. Il dumber dad insects ed utschels va enavos sin l’entir mund. Ins discurra da la muria d’insects e da la digren d’utschels. Ma vala quai era per il Grischun?

Casper Nicca ha observà cun la camera ils animalets che dattan il soundtrack a nossa vita, quest mund misterius, plain colurs e plain tuns ed è ì a la tschertga da respostas. El ha vis che utschels ed insects han bleras amias e blers amis tar nus carstgauns e ha pudì discurrer cun glieud che sa, co ch’i va a noss utschels ed insects.

Tranter auter ha el pudì accumpagnar Erika Nicca, la collavuratura da la staziun ornitologica Sempach a Cuira, tar las lodolas da prada ubain il perscrutader da tgirallas Jürg Schmid durant la notg sin la tschertga da tgirallas da notg. Ma sin ils fastizs dad insects ed utschels en il Grischun ha l’autur dal film cunzunt era chattà maletgs impressiunants dals animalets che vivan cun nus.

Damain utschels ed insects?

Da principi èn uschè bain utschels co er insects sut squitsch. I dat differenzas. Cun utschels da guaud vai meglier che cun utschels che vivan en la prada, els èn periclitads fermamain. Utschels co la lodola da parada ubain il puppen brin èn svanids cumplettamain orda la vals e vivan mo pli en las muntognas. La è il ecosistem dentant anc pli u main intact.

Era ils insects che vivan en las pradas èn fermamain sut squitsch. Ma era qua vala quai plitost per la bassa ed en las muntognas main.

Damain insects vid las fanestras dals autos?

Savens vegn quai duvrà sco argument per la muria dals insects. Ma uschè simpel è quai betg:

video
Jürg Schmid, perscrutader da tgirallas
Or da RTR dals 08.10.2021.
laschar ir

RTR Cuntrasts 17:40

Artitgels legids il pli savens

Scrollar a sanestra Scrollar a dretga