Siglir tar il cuntegn

Header

video
In siemi mez nar – «Bain Bun»
Or da Cuntrasts dals 31.10.2021.
abspielen. Laufzeit 26 minutas 2 Sekunden.
cuntegn

Cuntrasts In siemi mez nar – «Bain Bun»

Janic Andrin Spinnler ha in siemi da la vita. El vul manar ses agen bain puril. Ma il giuven Jauer na vegn betg d’ina dinastia da purs ed el ha pir gist finì ses emprendissadi sco pur. Da talas circumstanzas na sa lascha el dentant betg franar.

Cun be 21 onns cumpra Janic Andrin Spinnler in bain puril en la Val Müstair, senza agens raps e cun ina dunna ch’el enconuscha pir dapi intgins mais. I saja simplamain stà ina gronda schanza raquinta il giuven Jauer:

Cur che quest bain è vegnì liber, n'hai jau ponderà l’emprim che jau saja memia giuven e che quai na giaja betg finanzialmain. Ma mia famiglia na posseda betg in bain che jau pudess surpigliar en in pèr onns, e perquai hai jau tuttina decis ch’i fiss d’empruvar.
Autur: Janic Andrin Spinnler pur

Cun  emprests e cun in credit da la Societad agricula dal Grischun ha il giuven Jauer cumprà il bain da 25 hectaras terren. L’avrigl 2020 ha il giuven pèrin cumenzà cun ina pitschna scossa da vatgas-mamma e cun 400 ovunzas. Dapi in onn e mez èn els ussa lur agens patruns. L’entschatta saja stada fitg turbulenta, colliada er cun dubis e temas d’existenza, di Janic Andrin Spinnler:

Jau hai realisà mes siemi da la vita. Igl è bel d’esser l’agen schef. Ins po lavurar cun la natira e cun ils animals. E nus empruvain da far qua en la Val Müstair products d’auta qualitad. Jau crai che tals products sajan pli e pli dumandads dals consuments. Da l’autra vart è la responsabladad gronda e nus stuain star bun per nossas decisiuns.
Autur: Janic Andrin Spinnler

En lur vegliadetgna na saja quai betg adina uschè simpel, manegia Spinnler. Els stoppian anc rimnar experientschas ed emprender. Ma l’agricultura e la vita sco purs saja ina buna via, ina via cun futur.

Far il pur tira

Avrir la box Serrar la box

3'756 persunas fan il mument in emprendissadi da pur en Svizra. Quai èn dapli che ils davos onns, quai mussan las cifras da l’Uniun purila svizra. Anc meglier sa preschenta la situaziun en il Grischun. Qua sajan las cifras dapi decennis fitg stabilas, di il manader dal Plantahof Peter Küchler sin dumonda da RTR. Mintg’onn fetschian circa 60 Grischuns e Grischunas in emprendissadi da pur.

Cuntrasts 17:40

Artitgels legids il pli savens

Scrollar a sanestra Scrollar a dretga