Siglir tar il cuntegn

Header

video
Giuventetgna sinfonica
Or da Cuntrasts dals 31.03.2024.
laschar ir. Durada: 25 minutas 7 Secundas.
cuntegn

Cuntrasts La squadra naziunala musicala

L'orchester sinfonic da giuventetgna svizzer (SJSO) exista dapi 50 onns. El vala sco la squadra naziunala U25 en il mund da la musica. Tgi che po sunar en quest orchester, rimna custaivlas experientschas per sia carriera musicala.

Jugend-Sinfonie-Orchester SJSO
Legenda: Orchester sinfonic da giuventetgna svizzer L'orchester durant las emprovas a San Murezzan. RTR

Per lur davosa turnea svizra han las 107 giuvnas musicistas e musicists preschentà la 7avla sinfonia da Gustav Mahler. L’emna da prova ha giu lieu l’atun passà a San Murezzan.

Ils giuvens musicists e las musicistas vegnan da tut las quatter parts linguisticas da la Svizra, la Rumantschia è preschenta cun il trumbettist Jon Flurin Buchli da Domat. Cun ses 24 onns è el in dals paucs giuvens en l'orchester sinfonic da giuventetgna ch'ha gia ina plazza fixa en in orchester professiunal. Dapi trais onns è Jon Flurin Buchli commember da l'orchester da Basilea.

La musica unescha la glieud che na enconuschan betg in l'auter. Tuts chapeschan il linguatg da la musica.
Autur: Jon Flurin Buchli trumbettist da Domat
Jong Flurin Buchli, Trompeter
Legenda: Jon Flurin Buchli, Domat Il giuven trumbettist da 24 onns è il sulet rumantsch en l'orchester. RTR

 A l’entschatta era il dirigent envidà Christoph-Mathis Mueller magari sceptics, mo svelt è el stà entusiasmà dals giuvenils.

Els dattan simplain tut.
Autur: Christoph-Mathis Mueller dirigent
Christph-Mathis Mueller, Dirigent
Legenda: Christoph-Mathis Mueller, dirigent Il dirigent envidà è docent a la scola auta turitgaisa dals arts. RTR

L’october passà ha l’orchester sinfonic da giuventetgna svizzer preschenta en la Tonhalle a Turitg sia interpretaziun plain energia da la 7avla sinfonia da Gustav Mahler. La registraziun directa al concert ils 20-10-2023 è da tadlar en la qualitad da tun 5.1.

video
Orchester sinfonic svizzer da giuventetgna en la Tonhalle a Turitg
Or da Musica dals 25.03.2024.
laschar ir. Durada: 1 minuta 16 Secundas.

RTR Cuntrasts 17:25

Artitgels legids il pli savens