Entschatta matg sa participescha Simon Gabriel per l’emprima giada als campiunadis europeics da solo a Malmö en Svezia e daventa terz. Ina sensaziun per il giuven trumbettist da S-chanf.
07:30 min, ord Actualitad dals 02.06.2023.
Maletg: RTR
laschar ir. Durada: 7 minutas 30 Secundas.
Buccals tut a dubel
Simon Gabriel suna trumbetta dapi ch’el ha sis onns. Cun set onns sa participescha Simon al campiunadi svizzer e gudogna en sia categoria. Cun otg onns daventa el per l’emprima giada campiun grischun da sia gruppa. Dapi lura sa repeta quai onn per onn. Tar ils Gabriels èn las paraids tapezadas cun diploms ed il buffet ornà cun buccals.
Ils pli impurtants èn quel dal SSQW ch’jau hai gudagnà tut las categorias e quel ch’jau sun vegnì quest onn campiun grischun da solo.
Legenda:
Simon Gabriel cun ina part da ses buccals ch’el ha enfin uss gudagnà.
RTR
In talent excepziunal
Ils Gabriels èn en emprima lingia purs. Talents e duns musicals straordinaris tschertgan ins adumbatten en lur famiglias. Scuvert il talent dal mattet da S-chanf ha il scolast da musica Anton Ludwig Wilhalm. Sper esser ses scolast da musica è el era il mentur da Simon. Tar ils campiunadis europeics a Malmö n’ha el betg savì esser preschents. Via telefonin eran Simon ed el dentant regularmain en contact.
Simon è sco in diamant vi dal qual ins lavura e che vegn pli e pli custaivels. Tar Simon essan schon fitg lunsch per sia vegliadetgna. Quai ch’el fa tuna schon fitg, fitg professiunal.
Legenda:
Dapi otg onns è Anton Ludwig Wilhalm il scolast da musica da Simon Gabriel.
RTR
Larmas tar la giuria
Tar ils campiunadis europeics en Svezia èn 37 musicistas e musicists s’annunziads cun in video. Da quels han 20 pudì sa participar al semifinal. Simon Gabriel è stà in dad els. Sco segund giuven da la gruppa ha el intgantà la giuria dal semifinal talmain ch’ella nominescha Simon per il final ed en il final daventa el terz. Ina sensaziun!
Tge magnifica preschentaziun! Ti has fatg che mes collega ha bragì.
1 / 6
Legenda:
La giuria dal semifinal
Camilla Soderstrom Tveit (Norvegia), Glenn van Looy (Svizra) e Simone Rebello (Engalterra), la giuria dal semifinal è visiblamain intgantada da la preschentaziun da Simon Gabriel.
RTR
2 / 6
Legenda:
In givel
Ils resultats dal semifinal vegnan communitgà: Simon Gabriel è in dals trais finalists.
RTR
3 / 6
Legenda:
Gratulaziuns
Il bab Arno Gabriel è in dals emprims gratulants.
RTR
4 / 6
Legenda:
Il bab Arno Gabriel
«Gia il campiunadi a Cuira è stà ina sensaziun ed uss quai! Jau sun losch.»
RTR
5 / 6
Legenda:
Il final
Tar il final suna Simon Gabriel il Concerto per cornet e brass band da Philip Sparke. El vegn accumpignà da la Concord Brass Band dal Danemarc.
RTR
6 / 6
Legenda:
In nov diplom
Terz plaz als campiunadis europeics da solo a Malmö, Svezia.
RTR
Far musica cun in toc sturs
Era la trumbetta da Simon Gabriel era ina giada in toc sturs. Per ch’il toc sturs da mesch daventi in instrument dovri la savida ed ils mauns da Marina Caminada. La giuvna da Vrin è constructura d’instruments a flad tar la firma Inderbinen a Buchs. La suletta firma en Svizra che construescha instruments a flad dad a fin z.
1 / 8
Legenda:
Marina Caminada – constructura d'instruments da flad
«Il bel è cura ch’ins ha bajegià a fin in instrument, il client vegn per quel ed ha simplamain plaschair.»
RTR
2 / 8
Legenda:
Mesch – la basa da mintga instrument a flad
Per lutegiar ensemen il toc sturs dovri in mesch da lutegiar spezial, in che lascha sa furmar levamain.
RTR
3 / 8
Legenda:
Furmar il cup
Enfin ch’il cup ha la dretga furma sto el vegnir stgaudà pliras giadas.
RTR
4 / 8
Legenda:
Pascal Wicky
Stgaudar, sfradentar, furmar – in mez di lavur dovri per cuntanscher la furma giavischada.
RTR
5 / 8
Legenda:
Suenter ch’il cup ha sia furma ed è sturschì vegn el mulà.
RTR
6 / 8
Legenda:
Pulir è il davos pass avant da bajegiar ensemen tut la tocca
L’emprendissadi da constructura d’instruments a flad cuzza quatter onns, quel da pinar instruments dus onns. Marina Caminada ha fatg omadus.
RTR
7 / 8
Legenda:
Lavur da precisiun
«Cun tschientavels millimeters lavurain nus, mia toleranza è 0,02 millimeters», di Marina Caminada.
RTR
8 / 8
Legenda:
Suenter trais emnas lavur è a trumba fatga
«A la fin emprov jau l’instrument, cunzunt ch’ils ventils sajan adattai bain e ch’ils artgs d’accord funcziuneschian.» Marina Caminada.
RTR
04:34
video
Or dal Telesguard: Passiun per il plech
Or da Telesguard dals 01.06.2023.
laschar ir. Durada: 4 minutas 34 Secundas.
Or da l'archiv
06:33
video
Simon Gabriel – Zelda (da Percy Code)
Or da Musica dals 03.05.2023.
laschar ir. Durada: 6 minutas 33 Secundas.
03:16
video
Simon Gabriel – Don't Doubt Him Now (da Leonhard Ballentine)
Or da Musica dals 03.05.2023.
laschar ir. Durada: 3 minutas 16 Secundas.
18:58
video
La preschentaziun da Simon Gabriel en il final
Or da Musica dals 04.05.2023.
laschar ir. Durada: 18 minutas 58 Secundas.
03:17
video
Simon Gabriel turna a chasa
Or da Telesguard dals 08.05.2023.
laschar ir. Durada: 3 minutas 17 Secundas.
04:47
video
Premi da cultura Malögia per Lorenzo Polin e Simon Gabriel
Or da Telesguard dals 27.01.2022.
laschar ir. Durada: 4 minutas 47 Secundas.
04:39
video
Simon Gabriel - in giuven talent musical da S-chanf
