Ina statistica tudestga pretenda, che mintga segunda dunna tranter 25 e 35 saja tatuada. Il trend actual dals purtrets sut la pel è dimena giuven – e feminin.
Ella è collecziunadra d’art passiunada cun in cler senn per l’estetica. Ils maletgs, ch’ella collecziunescha na penda ella dentant betg vi da la paraid ma lascha furar els sut la pel. Sco ultimamain ina flur sin il schanugl. Sche ella fa si las mongias revelescha ella bratscha plain tattoos.
Patruna da lavur e pertutgada persunalmain: Sandra Brunner
Quai ch’è vegnì oz in purtret pli e pli usità, na saja stà avant radund 20 onns anc betg imaginabel en la gastronomia, raquinta l’ustiera Sandra Brunner. Ozendi percunter portia passa mintga segunda da sias camarieras in u plirs tattoos e mintgina dad ellas saja ina collavuratura preziusa en sia squadra.
Affarista da tattoos en in mund dad umens: Daniela Hirsiger
L’affarista Daniela Hirsiger procura per ch’il purtret sin las vias ed en ils bogns averts grischuns vegn pli e pli colurà. Cun ses um maina ella gia dapi passa 15 onns in studio da tatuar. Tar sias clientas tutgan dunnas giuvnas e veglias.
Ils motivs van da musters e poesias fin a tschess barbets e panters malgartegiads:
Tatuadas – dunnas mussan lur tattoos
-
Bild 1 von 15. Per l'ina nausch e bun –. per l'autra dunna magari be in um ed ina dunna. Bildquelle: RTR.
-
Bild 2 von 15. Il tschess barbet en memoria –. uschia onurescha Jana a ses padraster barmier. Bildquelle: RTR.
-
Bild 3 von 15. L'animal preferì –. perquai porta Jana ina vulp sin sia chomma. Bildquelle: RTR.
-
Bild 4 von 15. Blers tattoos, dentant tuts dal medem stil –. la plima da Melina è fatga en stil «Old School». Bildquelle: RTR.
-
Bild 5 von 15. In liun dat forza –. il pli nov tattoo dad Anouk. Bildquelle: RTR.
-
Bild 6 von 15. Anc betg a fin:. Andrea ha da far pausa cun tatuar cun quai ch'ella è en speranza – e lura na dastga betg vegnir tatuà. Bildquelle: RTR.
-
Bild 7 von 15. L'emprim tattoo –. l'uhu da Melina. Bildquelle: RTR.
-
Bild 8 von 15. Sur las nattas dad in'operaziun porta Monika ses num en chinais. Bildquelle: RTR.
-
Bild 9 von 15. Rosas cun poesia –. in dals 14 tattoos da Tamara. Bildquelle: RTR.
-
Bild 10 von 15. Miriam porta là duas rosas, nua che ses frars avevan empruvà avant 31 onns da tatuar in panter. Bildquelle: RTR.
-
Bild 11 von 15. Ina part dals tattoos da Pia. Bildquelle: RTR.
-
Bild 12 von 15. Sandra porta in segn chinais / giapunais per mamma. Bildquelle: RTR.
-
Bild 13 von 15. Per onurar sia nona porta Graziella il rusari, ch'ella ha survegnì da la nona. Bildquelle: RTR.
-
Bild 14 von 15. Segn per identità –. ina dunna da la Grönlanda cun in tattoo tradiziunal da dunnas indigenas. Bildquelle: SRF.
-
Bild 15 von 15. Ina da las rosas da Melina. Bildquelle: RTR.
Las trais dunnas mussan en ils Cuntrasts, che Tattoos èn trendy – la relaziun da dunnas e tattoos n’è dentant insumma betg in novum. Dapertut nua ch’i deva umans cun pel clera tutga la decoraziun permanenta da la pel dad um e dunna tar las tradiziuns.
Dunnas e tattoos – in sguard en l'istorgia
-
Bild 1 von 11. La conferma da la regla –. dunnas sco tatuadras. Bildquelle: RTR.
-
Bild 2 von 11. In sguard en l'istorgia mussa:. dunnas eran gia adina preschentas en il mund dals tattoos. Bildquelle: RTR.
-
Bild 3 von 11. Betg be tatuads, ma adina puspè er tatuadas –. in sguard en cudeschs da fotografias e musters da tattoos mussa er dunnas tatuadas. Bildquelle: RTR.
-
Bild 4 von 11. Avant l'emprima guerra mundiala purtavan diversas dunnas en il Vest tattoos. Bildquelle: RTR.
-
Bild 5 von 11. Dunnas eran scumandadas sin las barchas – perquai las purtavan in u l'auter mariner sco purtret sin la pel. Bildquelle: RTR.
-
Bild 6 von 11. Cun ina dunna blutta sin il bratsch na pudevan u na stuvevan ils mariners betg ir en la marina englaisa – cun ina vestgida bain. Bildquelle: RTR.
-
Bild 7 von 11. Inspiraziun dal lontan –. en il vest sa laschavan inspirar las dunnas da las culturas lontanas, nua ch'il tatuar tutga dapi generaziuns tar la tradiziun. Bildquelle: RTR.
-
Bild 8 von 11. Segn per identità –. ina dunna da la Grönlanda cun in tattoo tradiziunal da dunnas indigenas. Bildquelle: SRF.
-
Bild 9 von 11. Tatuar en Grönlanda –. ils instruments midan, il process resta. Bildquelle: SRF.
-
Bild 10 von 11. Tatuar sin las Inslas Marquesas en il Mar dal Sid –. ils instruments midan, il process resta. Bildquelle: SRF.
-
Bild 11 von 11. Tattoos marceschan staziuns en la vita da dunnas –. sin las inslas en ils mars dal Sid raquintan tattoos tradiziunalmain er da ritus d'iniziaziun, maridaglias ed uffants. Bildquelle: SRF.
In cuc en ils studios da tatuar dad oz mussa che l’idea dal ritus d’iniziaziun u l’animal preferì che dat forza sa repeta puspè en l’unda actuala dals maletgs sin la pel.
Ed à propos tatuar ... co funcziuna quai?
En 9 pass tar in tattoo
-
Bild 1 von 9. 1. Tscherner il dretg studio da tatuar –. i vul en mintga cas buna igiena, bunas colurs ed in expert u in'experta vi da la guglia. Bildquelle: RTR.
-
Bild 2 von 9. 2. Tscherner in motiv –. quai ch'è ina giada en la pel resta là per adina. Bildquelle: RTR.
-
Bild 3 von 9. 3. Discutar cun il tatuader –. quel sa, tge ch'è il meglier per la cliainta – e sch'el na sa betg: ir tar intgin auter. Bildquelle: RTR.
-
Bild 4 von 9. 4. L'emprim è il motiv be in muster da colur –. quel vegn adattà al dretg lieu e serva sco basa da tatuar. Bildquelle: RTR.
-
Bild 5 von 9. 5. Uss vai liber cun tatuar –. cun 120 pizs la secunda 3 millimeters sut la pel en. Bildquelle: RTR.
-
Bild 6 von 9. 6. Bun da savair –. meglier ch'il expert u l'experta a la guglia è, main mal ch'i fa. Bildquelle: RTR.
-
Bild 7 von 9. 7. Tegnair la dira –. tatuar fa mal. Bildquelle: RTR.
-
Bild 8 von 9. 8. I na fa betg adina tuttina mal –. dapli surfatscha che vegn colurada e pli datiers ch'i va a l'ossa pli mal ch'i fa. Bildquelle: RTR.
-
Bild 9 von 9. 9. Il tattoo è fatg, uss vuli tgira penibla –. uschiglio po igl dar infecziuns o il tattoo po vegnir donnegià e sto vegnir reparà. Bildquelle: RTR.
Ord Telesguard
Cuntrasts, 17:25