Siglir tar il cuntegn

Header

cuntegn

Cuntrasts Co vegnis Vus a frida?

Il coronavirus ha mess l'ultim mais sin il chau nossa vita. Ils uffants ston far scola a chasa, blers fan homeoffice e blers affars han lavur curta. Ils Cuntrasts guardan perquai questa dumengia, co che differentas persunas en Grischun dattan dumogn a la situaziun.

Avant vaira precis in mais è l’emprima persuna vegnida infectada en Svizra cun il coronavirus. E quest mais da mars ha midà la vita da nus tuts e tuttas. homeoffice, restricziuns, social distancing, temas e schizunt isolaziun èn ils chavazzins.

Co ir enturn cun las situaziuns nunusitadas?

Ils Cuntrasts sa dumondan perquai: Co vegnis a frida cun quella situaziun desastrusa?

video
L'entira emissiun: Co vegnis Vus a frida?
Or da Cuntrasts dals 29.03.2020.
laschar ir. Durada: 41 minutas 54 Secundas.

Tge fan ins per exempel sch’ins ha sco Men Juon in affar turistic cun saloon, hotel ed 80 chavals en stalla?

U sch’ins perda sco Ramun e Marietta Venzin ina persuna charezzada e na po betg prender cumià da quella en ina bella sepultura?

Blers geniturs lavuran per il mument a chasa. Ma cunquai che las scolas èn serradas èn er ils uffants a chasa. Petra Rothmund, redactura da RTR e mamma da duas figlias en la vegliadetgna da scola, ha documentà ses mintgadi cun sia camera.

Il cusseglier guvernativ Peter Peyer maina dapi l'emprim cas da corona il chantun Grischun tras la crisa. Co vegn el sco minister da sanadad a frida cun la situaziun actuala.

video
Co vegnis Vus a frida, cusseglier guvernativ Peter Peyer?
Or da Cuntrasts dals 29.03.2020.
laschar ir. Durada: 5 minutas 20 Secundas.

Evitar da crudar en l'isolaziun

Ils ins, vul dir cunzunt senioras e seniors e persunas cun constellaziuns da sanadad betg optimalas, ston avair tema da s’infectar e ston perquai star a chasa. Ma er ils auters ston sa restrenscher massivamain per evitar ch’il virus possia sa multiplitgar ed attatgar la populaziun en massas. I vala dad empruvar da tegnair sut controlla las capacitads dal sistem da sanadad.

video
En missiun cunter l'isolaziun - duas dunnas gidan
Or da Cuntrasts dals 29.03.2020.
laschar ir. Durada: 4 minutas 46 Secundas.

Igl ha pia num da restar a chasa. E quai è cunzunt per persunas pli veglias enorm impurtant. Ma ellas ristgan uschia da crudar en l’isolaziun. La spitex, uniuns da dunnas ed autras instituziuns emprovan da gidar cun far cumpras u cun purtar mangiativas.

audio
Co vai actualmain da filmar? – Discurs cun la producenta da Cuntrasts, Paula Nay
ord Actualitad dals 28.03.2020.
laschar ir. Durada: 3 minutas 9 Secundas.

RTR Cuntrasts 17:10

Artitgels legids il pli savens