Siglir tar il cuntegn

Header

video
GLISCH – en noss mintgadi
Or da Cuntrasts dals 20.12.2020.
laschar ir. Durada: 25 minutas 49 Secundas.
cuntegn

Cuntrasts-Focus Glisch per il pli lung di stgir

Ils 21 da december è il solstizi d’enviern, la pli lunga notg. Vis ord l’optica dal sulegl èsi il pli curt di. In temp che tuttas sorts ghirlandas, lampas e chandailas han conjunctur'auta. Perquai èn ils Cuntrasts questa giada deditgads a la glisch.

Fadri Stricker ha illuminà sia stalla uschè optimal sco pussaivel. La raschun: sa sentan las vatgas bain, dattan ellas dapli latg. Buna glisch procura per il bainstar da las vatgas.

purtret da fadri Stricker en sia stalla.
Legenda: Fadri Stricker è pur a Sent. RTR
Il sentir bain tar ina vatga è in pachet entir, la glisch è ina part.
Autur: Fadri Stricker pur da Sent

Glisch influenzescha era nus carstgauns. Quai sa Daniel Cathomen, manader da marketing tar la pli gronda firma da glisch en l’Europa. Ses mintgadi è da vender glisch.

purtret da Daniel Cathomen.
Legenda: Daniel Cathomen, manader da marketing Zumtobel. RTR
Il sbagl classic è ch’ins na tschantscha betg gia a l’entschatta sur da la glisch
Autur: Daniel Cathomen manader da marketing Zumtobel

Ma tge è glisch per propi? L’expert d’astronomia Men Jon Schmidt, che tschertga la glisch en il spazi immens da l'univers ha las explicaziuns e sa era declerar tge che ha manà ils trais sabis da l'Orient a Bethlehem.

purtret da men jon schmidt.
Legenda: Men Jon Smidt, astronom. RTR
La staila da Bethlehem: Ils dus planets ils pli clers Jupiter e Saturn èn s’entupads trais giadas aifer in onn.
Autur: Men Jon Schmidt astronom

Per ils Cuntrasts deditgads a la glisch creescha l'illuminader Roland Koch en il studio da RTR tschintg differentas atmosferas:

RTR Cuntrasts 17:25

Artitgels legids il pli savens