Siglir tar il cuntegn

Header

video
Corona – tge fa quai cun nus?
Or da Cuntrasts dals 11.04.2020.
laschar ir
cuntegn

Cuntrasts spezials III Tge fa quai cun nus?

Il coronavirus ha mess la vita sin il chau. Luvrar a chasa, emprender a chasa, tegnair distanza. Tge fa quai cun nus? Avain nus damain motivaziun, damain pazienza, damain plaschair? Co reageschan las persunas en stizun, las cartentas ed ils cartents? Trais persunas tschertgan respostas.

Las baselgias restan vidas era da Pasca. «En famiglia pon ins dentant tuttina mantegnair ils usits», di la decana da la Baselgia refurmada, Cornelia Camichel Bromeis. Ella cusseglia da sa vestgir da dumengias, far in bun ensolver, mangiar ovs u tschertgar ils gnieus. Impurtant saja da chattar novas vias e survegnir la fidanza ch'i va vinavant, era sch'igl è uss fitg difficil ed ins na sa anc betg quant ditg che quai cuzza.

La tema era gronda

A Laax en la butia dal vitg èsi daventà pli ruassaivel. «A l'entschatta aveva la glieud tema, ch'i na dettia betg avunda per tuts», di la manadra da la butia, Judith Schnider. Uss na saja betg pli il palpiri da tualetta il hit, mabain pulenta, farina e levon. La clientella haja per gronda part chapientscha sch'i manchia insatge en il sortiment e saja engraziaivla dad anc pudair far cumissiuns.

Fatg buna lavur

Tar la Posta Ladina è pli u main be pli il schefredactur Reto Stifel en redacziun. Ses collavuraturs lavuran a chasa. Tenor el han las medias en Svizra fatg buna lavur las davosas emnas. L'emprim cun infurmar la populaziun, pli tard era cun dumondas criticas per exempel pertutgant las mesiras ch'il Cussegl federal ha prendì.

RTR Cuntrasts 17:40

Artitgels legids il pli savens

Scrollar a sanestra Scrollar a dretga