La dumengia da las elecziuns 2019 è passada, las emprimas undas èn sa calmadas. Las decisiuns da las Grischunas ed ils Grischuns vegnan dentant anc a procurar per qual in moviment en la politica federala dals proxims quatter onns.
Il pli visibel – ils resultats da las elecziuns 2019
Cun il quintet elegì na faschevan probablamain gnanc ils pli paucs quint. En la delegaziun per il Cussegl naziunal èn vegnì reelegids Magdalena Martullo-Blocher (PPS / 23'942 vuschs) e Martin Candinas (PCD / 23'143 ). Nov da la partida èn Jon Pult (PS / 17'954 vuschs), Sandra Locher Benguerel (PS / 9'567) ed Anna Giacometti (PLD / 6'932 vuschs).
Betg pli da la partida èn Heinz Brand (PPS / 17'767) e Duri Campell (PBD / 11'236). Els han bain fatg dapli vuschs che auters che van uss a Berna, han dentant pers pervi da las colliaziuns da glistas.
Main visibel – quai davos las culissas uffizialas
Per chattar ora quai han ils Cuntrasts decis dad accumpagnar trais da las tschient candidatas e candidats per il Cussegl naziunal durant in mez onn sin lur via a las elecziuns.
Londeror hai dà 3x elecziuns 2019 – cun:
- il cusseglier naziunal Duri Campell (PBD), che n’è betg pli vegnì elegì, malgrà ch’el ha fatg dapli vuschs che da quels che van uss a Berna,
- la presidenta communala da Val Bregaglia, Anna Giacometti (PLD), ch’è daventada dad ina, che duai far vuschs per la partida a quella che ha fatg las pli bleras vuschs ed
- il gimnasiast da Glion, Marc Andriu Carigiet (PVL giuvna), ch’è cumplenì 18 onns l’avust e n’ha betg be elegì per l’emprima giada, ma gist er candidà sez per il Cussegl naziunal.
- 27-10-2019 – 17:25 sin SRF1
- 30-10-2019 – 09:05, 10:05 e las 13:05 sin SRF info
- 31-10-2019 – 11:05 sin SRF info
- 01-11-2019 – 15:00 sin RSI LA2
- 02-11-2019 – 17:10 sin SRF1
- 03-11-2019 – 07:30 sin RSI LA1
- 07-11-2019 – 10:05 sin RTS 2
