-
Bild 1 von 2. L'entir repertoire d'Arturo Casanova: Quest ordinatur cuntegna tut ils 1'600 tocs da musica. Bildquelle: RTR, Beat Manetsch.
-
Bild 2 von 2. Per mintga chanzun ha Arturo Casanova atgnas notizias e detagls. Bildquelle: RTR, Beat Manetsch.
Sch'ins fa ina visita ad Arturo en sia stizun, lura tschenta el tuttenina amez la baterlada en ses keyboard cun ils pleds: «... ussa taidla, jau sun qua per tai...». I dependa da tge ch'ins ha gist discurrì u da tge ch'igl è gist ì tras il chau ad el – adina fa quai ch'el suna senn e dat in bun sentiment. Per pudair reagir uschè spontan cun il dretg toc da musica en mintga situaziun dovri grond'experientscha ed in fitg grond stgazi da chanzuns.
Il stgazi d'Arturo Casanova è ses ordinatur che paisa circa dus kilos. En quest ordinatur ves'ins glistas e glistas cun nums da tocs da musica, ordinà tenor alfabet, cun colurs e notizias. Cura che Arturo aveva entschet cun quellas glistas, na devi anc betg computers, dentant devi maschinas da scriver. Ed el era gea mecanist da maschinas da scriver. Ins vesa en quest ordinatur che las glistas èn vegnidas scrittas e curregidas cun differentas scrittiras, pia differentas maschinas en differents decennis.
Quest ordinatur resplenda, en mes egls, la vita dad Arturo Casanova, sia premura professiunala e sia perseveranza: Oz cuntegna quest ordinatur betg main che 1'600 tocs da musica!
-
Bild 1 von 15. Arturo Casanova en sia stizun ed atelier. Bildquelle: RTR, Beat Manetsch.
-
Bild 2 von 15. Durant l'emprendissadi ha Arturo survegnì sia emprima ghitarra da ses frar. Bildquelle: MAD, Arturo Casanova.
-
Bild 3 von 15. A Trun Campliun en stiva cun sia segunda ghitarra. Bildquelle: MAD, Arturo Casanova.
-
Bild 4 von 15. La proxima ghitarra, la frisura, la buna luna. Bildquelle: MAD, Arturo Casanova.
-
Bild 5 von 15. Arturo Casanova cun ina da sias eprimas bands. Bildquelle: MAD, Arturo Casanova.
-
Bild 6 von 15. Trais giadas Arturo Casanova en posa da profi. Bildquelle: MAD, Arturo Casanova.
-
Bild 7 von 15. Per il film ha Stefania prendì intgins vestgis da pli baud or dal tschaler. Arturo ha dumagnà da trair en tut la tocca. Bildquelle: RTR, Herbert Jochum.
-
Bild 8 von 15. Ses emprim «concert» en la publicitad, ha el dà duront il temp da ses emprendissadi en il tren da la Viafier retica. Bildquelle: RTR, Herbert Jochum.
-
Bild 9 von 15. Arturo Casanova fa oz musica sur tut persul. El pachetescha tut ses instruments sez en l'auto: «Tscha e là sun schon ma sentì in pau sco in vagabund cun tut quests viadis». Bildquelle: RTR, Herbert Jochum.
-
Bild 10 von 15. Per il film ha Arturo nudà sin ina charta tut ils lieus nua ch'el ha fatg musica sin quest mund – qua ina giada l'entschatta en Europa. Bildquelle: RTR, Herbert Jochum.
-
Bild 11 von 15. Cun ses 78 onns è Arturo il vegl en la squadra dals veterans da Cuira. Da qua ha el sia cundiziun per sia lavur da notg. Bildquelle: RTR, Beat Manetsch.
-
Bild 12 von 15. Arturo Casanova dat er uras da musica sin tschintg instruments. Qua in da ses numerus scolars vid il keyboard. L'equipa da film cun Simon Manetsch vid il tun e Herbert Jochum vid la camera. Bildquelle: RTR, Beat Mantesch.
-
Bild 13 von 15. Sper il keyboard dat Arturo uras da clavazin, trumbetta e battaria. Bildquelle: RTR, Beat Manetsch.
-
Bild 14 von 15. N'emporta betg nua, Arturo Casanova vegn enconuschì: Qua dad in pèr per il qual el aveva sun avant blers onns da lur nozzas. Els han plaschair e fan selfies cun el. Bildquelle: RTR, Beat Manetsch.
-
Bild 15 von 15. Cura che Arturo Casanova suna en la vischinanza da Cuira, vegn la famiglia a tadlar, sco qua al tschaiver da Domat. (da dretg: dunna Stefania, fegl Fabian, feglia Tanja). Bildquelle: RTR, Beat Manetsch.