Siglir tar il cuntegn

Header

video
«I Did It My Way» – Arturo Casanova e sia vita per la buna luna
Or da Cuntrasts dals 15.04.2020.
laschar ir
cuntegn

Cuntrasts «I Did It My Way» – Arturo Casanova e sia vita per la buna luna

Gia durant l'emprim inscunter cun Arturo Casanova per quest film è in object banal crudà en egl a mi: l'ordinatur!

Sch'ins fa ina visita ad Arturo en sia stizun, lura tschenta el tuttenina amez la baterlada en ses keyboard cun ils pleds: «... ussa taidla, jau sun qua per tai...». I dependa da tge ch'ins ha gist discurrì u da tge ch'igl è gist ì tras il chau ad el – adina fa quai ch'el suna senn e dat in bun sentiment. Per pudair reagir uschè spontan cun il dretg toc da musica en mintga situaziun dovri grond'experientscha ed in fitg grond stgazi da chanzuns.

Il stgazi d'Arturo Casanova è ses ordinatur che paisa circa dus kilos. En quest ordinatur ves'ins glistas e glistas cun nums da tocs da musica, ordinà tenor alfabet, cun colurs e notizias. Cura che Arturo aveva entschet cun quellas glistas, na devi anc betg computers, dentant devi maschinas da scriver. Ed el era gea mecanist da maschinas da scriver. Ins vesa en quest ordinatur che las glistas èn vegnidas scrittas e curregidas cun differentas scrittiras, pia differentas maschinas en differents decennis.

Quest ordinatur resplenda, en mes egls, la vita dad Arturo Casanova, sia premura professiunala e sia perseveranza: Oz cuntegna quest ordinatur betg main che 1'600 tocs da musica!

RTR Cuntrasts 17:25