Siglir tar il cuntegn

Header

Video
I va ensi – il boom da mountainbike en il Grischun
Or da Cuntrasts dals 11.09.2019.
laschar ir
cuntegn

Cuntrasts I va ensi – il boom da mountainbike en il Grischun

Il traffic sin las sendas en las muntognas grischunas è creschì fitg ils davos onns. Ch’i dat in boom da mountainbike en il Grischun, dubitescha nagin. Da discutar dat la dumonda, co che las destinaziuns pon profitar da quest boom. Metter mo in zic u cumplettamain sin la carta bike?

Il film «I va ensi – il boom da mountainbike en il Grischun» prenda sut la marella trais regiuns grischunas. Ellas èn en differentas situaziuns quai che pertutga il svilup dal turissem da mountainbike.

Lai – l’exempel da parada

A Lai è il mountainbike gia dapi il 2009 ina fitg ferma pitga en la strategia da turissem. Igl è ina da las paucas destinaziuns en il Grischun che ha in parc mo per mountainbikers. Ils ultims 10 onns è il dumber da visitaders creschì per bunamain il dubel. Tuttina na fan las pendicularas betg fatschenta cun ils bikers. Quels che profiteschan èn ils hotels, la gastronomia e las fatschentas da sport. Betg uschè intgantads da quest boom èn las viandantas ed ils viandants.

Video
Lai – l’exempel da parada
Or da Cuntrasts dals 11.09.2019.
laschar ir

Il Surses vul era profitar dal boom

Puncto turissem da mountainbike è il Surses anc pir a l’entschatta. Las sendas n’èn anc betg colliadas dapertut e la signalisaziun è per part manglusa. La destinaziun vul midar quai ed ha organisà l’avrigl in workshop cun tut ils pertutgads. Per guardar tgeninas ideas che pon vegnir realisadas han Darco Cazin e ses team che sviluppescha destinaziuns fatg ina tura tras la regiun.

Video
Il Surses vul era profitar dal boom
Or da Cuntrasts dals 11.09.2019.
laschar ir

L’Engiadina Bassa ha gronds plans

La destinaziun Engiadina Samignun Val Müstair tutga gia ditg tar las grondas regiuns da mountainbike en il Grischun. In concept co colliar meglier las valladas dat quai dentant pir dapi il 2018. Passa 400 kilometers sendas duain vegnir meglieradas. Construids da nov vegnan 30 kilometers. Il project custa 6 milliuns francs e vegn finanzià da las tschintg vischnancas. Per pudair realisar il project han ils lavurers da vischnanca e da las pendicularas fatg questa stad in curs da construir sendas.

Video
L’Engiadina Bassa ha gronds plans
Or da Cuntrasts dals 11.09.2019.
laschar ir

TR Cuntrasts 17:25