Il film «Fenga» dals Cuntrasts - «Fenga» – in omagi a pastriglia e muaglia

Onn per onn, enturn la fin da zercladur, mainan pasters austriacs var 250 arments da muvel sitg da Sent sur il Cuolmen d’Fenga. La finamira èn las pastgiras largias e frestgas da la Val Fenga. Tar quest passagi che maina sur 2’610 m.s.m. è la muaglia da viadi bunamain 10 uras. Ils arments han da passar tras flums, guauds e gondas, els van sur pastgira, grippa e naiv.

audio

Mezdi: «Fenga» - in discurs tar l'omagi a muaglia e passtriglia

07:48 min, ord Actualitad dals 12.06.2019.

laschar ir. Durada: 7 minutas 48 Secundas.

1 / 9

Legenda: Sur il laviner Restanzas dad in lung enviern - la muaglia ha da passar sur in laviner amez la Val Chöglias. RTR

2 / 9

Legenda: 250 arments Radund 250 arments da Sent (e da la bassa) passan onn per onn sur il Cuolmen d'Fenga. RTR

3 / 9

Legenda: Il paster grond Walter Jehle dad Ischgl (A) è il paster grond da l'Alp Fenga. RTR

4 / 9

Legenda: Dus pasters durant la pausa Fabian Kaiser e Stefan Wolf - dus dals pasters che mainan la muaglia da Sent en Val Fenga. RTR

5 / 9

Legenda: Sur il Cuolmen d'Fenga Il punct il pli aut - sin 2'610 m.s.m. è cuntanschì, il Cuolmen d'Fenga. RTR

6 / 9

Legenda: La pausa La bain meritada pausa enta Fenga. RTR

7 / 9

Legenda: Arrivada tar la Heidelberger Hütte Suenter il passagi la pausa, sin la pastgira en la Val Fenga. RTR

8 / 9

Legenda: La pastriglia unida, ensemen cun lur chauns – Roland, Fabian, Helmut, Tobias, Walter, Dominik e Stefan ch'han fatg il passadi cun la muaglia da Sent. RTR

9 / 9

Legenda: La pausa La pausa bain meritada per la muaglia enta Fenga RTR

Ils arments che vegnan da l'Engiadina s'uneschan alura durant la stad cun passa 600 arments austriacs e furman uschia en la Val Fenga/Fimbatal ina scossa ordvart gronda. Dapi passa 40 onns da la partida sco paster è Walter Jehle dad Ischgl (A), ils davos 20 onns sco paster grond. Era per el e sia squadra è il passagi sur il Cuolmen d'Fenga mintg'onn ina pitschna aventura.

audio

Mezdi: Avis «Fenga»: Discurs cun pur Jon Pua

02:57 min, ord Actualitad dals 13.06.2019.

laschar ir. Durada: 2 minutas 57 Secundas.

Paucs pleds – gronds maletgs

L'emissiun «Cuntrasts» da RTR ha vulì documentar filmicamain ina giada quest passagi alpester extraordinari, in passagi arcaic ed autalpin. Ensemen cun l'autur Beat Manetsch è vegnì realisà uschia il film «Fenga» en il decurs dals davos dus onns. Il resultat final è in film senza gronds pleds, ma in film che tegna la tensiun cun in lung flad visual. Ed uschia renda «Fenga» omagi a pastriglia, muaglia ed a la cuntrada muntagnarda.

audio

Saira: Film «Fenga» – Discurs cun autur Beat Manetsch

02:48 min, ord Actualitad dals 13.06.2019.

laschar ir. Durada: 2 minutas 48 Secundas.

45:56

video

Fenga – sur flums e pass

Or da Cuntrasts dals 14.06.2019.

laschar ir. Durada: 45 minutas 56 Secundas.

Il film «Fenga» è vegn mussà ils 13-06-2019 sco premiera a Sent e silsuenter en dus parts en ils Cuntrasts sin SRF1, ils 16-06 ed ils 23-06-2019.

TR Cuntrasts 17:25