Siglir tar il cuntegn

Header

video
Il guardiaparc – l’emprim onn da Steivan Luzi en il Parc Naziunal
Or da Cuntrasts dals 30.05.2021.
laschar ir
cuntegn

Cuntrasts Il guardiaparc – l'emprim onn da Steivan Luzi en il Parc Naziunal

La plazza sco guardiaparc en il Parc Naziunal Svizzer è ina da las pli tschertgadas plazzas en l'Engiadina. 90 persunas èn s'annunziadas sin l'ultim inserat. Survegnì la plazza ha Steivan Luzi la primavaira passada. Ils «Cuntrasts» han accumpagnà el tras ses emprim onn sco guardiaparc.

La passiun per la natira ha Steivan Luzi ertà surtut da ses tat (non) ch'era medemamain guardiaparc en il Parc Naziunal Svizzer. Descriver sia passiun saja difficil.

Jau survegn pel-giaglina mintga damaun ch'jau poss ir ora. Quai è in sentiment fitg profund en mai.
Autur: Steivan Luziguardiaparc

Emprender cun far

Steivan Luzi è chatschader e pestgader, ed el ha gia fatg differents curs: da botanica, d'ornitologia e da reptils. El ha fatg l'emprendissadi sco stagner da construcziun ed installatur sanitar. Suenter avair lavurà dudesch onns sin il bajetg ha el survegnì ses job da siemi. Ina scolaziun specifica sco guardiaparc na datti betg. Il bler è emprender cun far.

La lavur è fitg varianta. Far surveglianza da chatscha, dar tips a turistas e turists, dumbrar selvaschina, far sendas e lavurs en il lavuratori. Per ses job da siemi sto el dentant desister da ses grond hobi. Sco guardiaparc na po el betg ir a chatscha. Ina regla che pudess dentant vegnir sluccada. La finamira da Steivan Luzi è da far questa lavur fin tar la pensiun.

Stuair desister dad ir a chatscha è difficil per mai.
Autur: Steivan Luziguardiaparc

RTR Cuntrasts 17:25

Artitgels legids il pli savens

Scrollar a sanestra Scrollar a dretga