Siglir tar il cuntegn

Header

video
A mai manca il sunar – l’onn da corona da la MiMS
Or da Cuntrasts dals 07.02.2021.
laschar ir
cuntegn

L'onn da corona da la MiMS «A mai manca il sunar»

La musica manca, ma betg be la musica. Igl è era il star da cumpagnia, la vita sociala. Quai è era uschia tar la Musica Instrumentala Muntogna da Schons. Casper Nicca ha accumpagnà questa musica durant l'entir onn – l'onn da corona, l'onn da pausas sfurzadas e dad isolaziun.

Il favrer avant in onn ha gì lieu il concert annual da la MiMS, la Musica instrumentala Muntogna da Schons a Donat. Da lez temp n'era corona anc nagina smanatscha. Ma curt suenter è l'emprim lockdown vegnì. La vita culturala è stada airi. Naginas provas pli, nagins concerts. Per las commembras ed ils commembers da l'uniun da musica en Val Schons ha quai muntà: naginas provas pli enfin la stad. L'atun han els pudì far musica da cuminanza, dentant cun tegnair distanza. Lura mo pli provas en 15 e suenter il december èsi puspè stà finì. Ils quitads e las speranzas durant quest onn ha Casper Nicca rimnà en in film per ils Cuntrasts.

audio
Als musicants e las musicantas manca la cumpagnia
03:45 min, Actualitad dals 05.02.2021.
laschar ir. Durada: 03:45 minutas.

Blers giuvens

La MiMS è ina musica sco bleras, ma ella è era ina musica in pau speziala. Quai ha da far cun ils giuvens. Passa in terz da las musicantas e dals musicants èn giuvens.

video
Senza la MIMS manca in punct fix en la vischnanca
Or da Telesguard dals 05.02.2021.
laschar ir

RTR Cuntrasts 17:25

Artitgels legids il pli savens

Scrollar a sanestra Scrollar a dretga