Il favrer avant in onn ha gì lieu il concert annual da la MiMS, la Musica instrumentala Muntogna da Schons a Donat. Da lez temp n'era corona anc nagina smanatscha. Ma curt suenter è l'emprim lockdown vegnì. La vita culturala è stada airi. Naginas provas pli, nagins concerts. Per las commembras ed ils commembers da l'uniun da musica en Val Schons ha quai muntà: naginas provas pli enfin la stad. L'atun han els pudì far musica da cuminanza, dentant cun tegnair distanza. Lura mo pli provas en 15 e suenter il december èsi puspè stà finì. Ils quitads e las speranzas durant quest onn ha Casper Nicca rimnà en in film per ils Cuntrasts.
Blers giuvens
La MiMS è ina musica sco bleras, ma ella è era ina musica in pau speziala. Quai ha da far cun ils giuvens. Passa in terz da las musicantas e dals musicants èn giuvens.