La stad flureschan els sin la pel: Rosas e stilets, serps e draguns. E mintga stad vegnan da plirs a la surfatscha, surtut tar las dunnas. En ils Cuntrasts da RTR raquintan trais dunnas da lur relaziun cun ils tattoos.
Ina statistica tudestga pretenda, che mintga segunda dunna tranter 25 e 35 saja tatuada. Il trend actual dals purtrets sut la pel è dimena giuven – e feminin.
Ella è collecziunadra d’art passiunada cun in cler senn per l’estetica. Ils maletgs, ch’ella collecziunescha na penda ella dentant betg vi da la paraid ma lascha furar els sut la pel. Sco ultimamain ina flur sin il schanugl. Sche ella fa si las mongias revelescha ella bratscha plain tattoos.
Patruna da lavur e pertutgada persunalmain: Sandra Brunner
Legenda:
Per l’ustiera Sandra Brunner han tattoos dapli che mo ina fassetta professiunala.
RTR
Quai ch’è vegnì oz in purtret pli e pli usità, na saja stà avant radund 20 onns anc betg imaginabel en la gastronomia, raquinta l’ustiera Sandra Brunner. Ozendi percunter portia passa mintga segunda da sias camarieras in u plirs tattoos e mintgina dad ellas saja ina collavuratura preziusa en sia squadra.
Affarista da tattoos en in mund dad umens: Daniela Hirsiger
Legenda:
Daniela Hirsiger –
affarista da tatuar cun tattoos.
RTR
L’affarista Daniela Hirsiger procura per ch’il purtret sin las vias ed en ils bogns averts grischuns vegn pli e pli colurà. Cun ses um maina ella gia dapi passa 15 onns in studio da tatuar. Tar sias clientas tutgan dunnas giuvnas e veglias.
Ils motivs van da musters e poesias fin a tschess barbets e panters malgartegiads:
1 / 15
Legenda:
Per l'ina nausch e bun –
per l'autra dunna magari be in um ed ina dunna.
RTR
2 / 15
Legenda:
Il tschess barbet en memoria –
uschia onurescha Jana a ses padraster barmier.
RTR
3 / 15
Legenda:
L'animal preferì –
perquai porta Jana ina vulp sin sia chomma.
RTR
4 / 15
Legenda:
Blers tattoos, dentant tuts dal medem stil –
la plima da Melina è fatga en stil «Old School».
RTR
5 / 15
Legenda:
In liun dat forza –
il pli nov tattoo dad Anouk.
RTR
6 / 15
Legenda:
Anc betg a fin:
Andrea ha da far pausa cun tatuar cun quai ch'ella è en speranza – e lura na dastga betg vegnir tatuà.
RTR
7 / 15
Legenda:
L'emprim tattoo –
l'uhu da Melina.
RTR
8 / 15
Legenda:
Sur las nattas dad in'operaziun porta Monika ses num en chinais.
RTR
9 / 15
Legenda:
Rosas cun poesia –
in dals 14 tattoos da Tamara.
RTR
10 / 15
Legenda:
Miriam porta là duas rosas, nua che ses frars avevan empruvà avant 31 onns da tatuar in panter.
RTR
11 / 15
Legenda:
Ina part dals tattoos da Pia.
RTR
12 / 15
Legenda:
Sandra porta in segn chinais / giapunais per mamma.
RTR
13 / 15
Legenda:
Per onurar sia nona porta Graziella il rusari, ch'ella ha survegnì da la nona.
RTR
14 / 15
Legenda:
Segn per identità –
ina dunna da la Grönlanda cun in tattoo tradiziunal da dunnas indigenas.
SRF
15 / 15
Legenda:
Ina da las rosas da Melina.
RTR
Las trais dunnas mussan en ils Cuntrasts, che Tattoos èn trendy – la relaziun da dunnas e tattoos n’è dentant insumma betg in novum. Dapertut nua ch’i deva umans cun pel clera tutga la decoraziun permanenta da la pel dad um e dunna tar las tradiziuns.
1 / 11
Legenda:
La conferma da la regla –
dunnas sco tatuadras.
RTR
2 / 11
Legenda:
In sguard en l'istorgia mussa:
dunnas eran gia adina preschentas en il mund dals tattoos.
RTR
3 / 11
Legenda:
Betg be tatuads, ma adina puspè er tatuadas –
in sguard en cudeschs da fotografias e musters da tattoos mussa er dunnas tatuadas.
RTR
4 / 11
Legenda:
Avant l'emprima guerra mundiala purtavan diversas dunnas en il Vest tattoos.
RTR
5 / 11
Legenda:
Dunnas eran scumandadas sin las barchas – perquai las purtavan in u l'auter mariner sco purtret sin la pel.
RTR
6 / 11
Legenda:
Cun ina dunna blutta sin il bratsch na pudevan u na stuvevan ils mariners betg ir en la marina englaisa – cun ina vestgida bain.
RTR
7 / 11
Legenda:
Inspiraziun dal lontan –
en il vest sa laschavan inspirar las dunnas da las culturas lontanas, nua ch'il tatuar tutga dapi generaziuns tar la tradiziun.
RTR
8 / 11
Legenda:
Segn per identità –
ina dunna da la Grönlanda cun in tattoo tradiziunal da dunnas indigenas.
SRF
9 / 11
Legenda:
Tatuar en Grönlanda –
ils instruments midan, il process resta.
SRF
10 / 11
Legenda:
Tatuar sin las Inslas Marquesas en il Mar dal Sid –
ils instruments midan, il process resta.
SRF
11 / 11
Legenda:
Tattoos marceschan staziuns en la vita da dunnas –
sin las inslas en ils mars dal Sid raquintan tattoos tradiziunalmain er da ritus d'iniziaziun, maridaglias ed uffants.
SRF
In cuc en ils studios da tatuar dad oz mussa che l’idea dal ritus d’iniziaziun u l’animal preferì che dat forza sa repeta puspè en l’unda actuala dals maletgs sin la pel.
Ed à propos tatuar ... co funcziuna quai?
1 / 9
Legenda:
1. Tscherner il dretg studio da tatuar –
i vul en mintga cas buna igiena, bunas colurs ed in expert u in'experta vi da la guglia.
RTR
2 / 9
Legenda:
2. Tscherner in motiv –
quai ch'è ina giada en la pel resta là per adina.
RTR
3 / 9
Legenda:
3. Discutar cun il tatuader –
quel sa, tge ch'è il meglier per la cliainta – e sch'el na sa betg: ir tar intgin auter.
RTR
4 / 9
Legenda:
4. L'emprim è il motiv be in muster da colur –
quel vegn adattà al dretg lieu e serva sco basa da tatuar.
RTR
5 / 9
Legenda:
5. Uss vai liber cun tatuar –
cun 120 pizs la secunda 3 millimeters sut la pel en.
RTR
6 / 9
Legenda:
6. Bun da savair –
meglier ch'il expert u l'experta a la guglia è, main mal ch'i fa.
RTR
7 / 9
Legenda:
7. Tegnair la dira –
tatuar fa mal.
RTR
8 / 9
Legenda:
8. I na fa betg adina tuttina mal –
dapli surfatscha che vegn colurada e pli datiers ch'i va a l'ossa pli mal ch'i fa.
RTR
9 / 9
Legenda:
9. Il tattoo è fatg, uss vuli tgira penibla –
uschiglio po igl dar infecziuns o il tattoo po vegnir donnegià e sto vegnir reparà.
RTR
