Siglir tar il cuntegn

Header

video
Tranter bun e nausch – la lavur da la polizia ozendi
Or da Cuntrasts dals 02.02.2020.
laschar ir
cuntegn

Cuntrasts Tranter bun e nausch – la lavur da la polizia ozendi

Adina dapli ed adina pli intensiv ha la polizia ozendi era da s'occupar cun la criminalitad en la rait – il «cybercrime». Il Cuntrasts dat invista en las novas sfidas da la polizia.

Cun il mund modern frunta la polizia era a novas sfidas. Rapinaders, extorcaders e laders datti uss er en l'internet. Il «cybercrime» fatschenta er la polizia en il Grischun. Beat Huonder lavura en il servetsch da criminalitad da cyber a Cuira. El e ses otg collegas da lavur sa fatschentan cun delicts da fraud, sabotascha enfin pornografia en l'internet.

video
Peter Peyer davart las sfidas da la clamada:
Or da RTR dals 28.01.2020.
laschar ir

Cun la digitalisaziun na datti dentant betg mo novas sfidas per la polizia mabain era novas schanzas. Per exempel cun novas furmas d'instrucziun per ils policists.

Scolaziun da policists

Violenza a chasa, enguladitsch ed in mortori tragic– cun talas situaziuns vegnan Selina Fanzun, Flavian Bearth e Daniel Rühl confruntads durant lur scolaziun da polizia.

En in «reality training» surprendan acturas ed acturs las rollas dals pertutgads. En l'acziun quasi reala han ils dus aspirants e l'aspiranta d'intervegnir e d'intermediar. Dudesch cameras transmettan lur agir directamain en la stanza da scola tar lur collegas. Lezs han da giuditgar l’acziun dals collegas en in servetsch fictiv. Tals trenaments tutgan ozendi tar la scolaziun da policists e policistas.

RTR Cuntrasts 17:40

Artitgels legids il pli savens

Scrollar a sanestra Scrollar a dretga