En sasez è ella spezialista per l’encreschadetgna – Madlaina Janett, che suna, tranter auter, er tar ils Fränzlis da Tschlin. Quai paran almain tschels da pensar, quinta la musicista.
Legher, tge projecziuns, ch’il public fa mintgatant.
La musica dals Fränzlis saja uschè tipic engiadinaisa, schessan las audituras ed ils auditurs lura. Senza pensar, che la musica, ch’ils Fränzlis sunan, saja in conglomerat da divers stils ed influenzas da l’Italia e da l’Austria. Magari, di Madlaina Janett, saja quai er l’encreschadetgna dal public per l’autenticitad ed er l’identitad.
Encreschadetgna sentia dentant er ella, per exempel per il Tschlin da sia uffanza u quella citad da Vienna, che sa spievla en la musica dals Fränzlis.
Nus schain da nus sezza che nus sajan austrofils.
Noss discurs filosofic per la Vita e cretta estiva ha mussà: L’encreschadetgna ha bleras fatschas – e la musica, quella gioga ina gronda rolla.