Siglir tar il cuntegn

Header

cuntegn

Debatta davart art spoglià Miriam Cahn n'allontanescha betg sias ovras en la Chasa d'art

L'artista gidieua Miriam Cahn, che viva e lavura a Stampa en la Bregaglia, n'allontanescha betg sias ovras or da la Chasa d'art da Turitg. In pledader da la Chasa d'art ha ditg che ella n'haja betg cumprà enavos sias ovras fin glindesdi.

L'artista gidieua era sa grittentada la fin dal 2021 da la chasa d'art en connex cun la discussiun davart art spoglià e la fundaziun Bührle. Ella ha renfatschà a la direcziun ch'ella saja sa cumblidada da l'istorgia e betg sensibilisada avunda.

Crititgà la fundaziun Bührle

Mo perquai ch'art saja cumprà, na saja el betg integher. La fundaziun è la Chasa d'art èn vegnids crititgads per mussar art cumprà da gidieuas e gidieus avant la guerra mundiala sut cundiziuns dischadvantuschas per las vendidras ed ils vendiders.

La nova directura dal museum haja gì in bun e constructiv discurs cun ella. Dapli infurmaziuns na vul la Chasa d'art betg dar.

RTR novitads 16:00

Artitgels legids il pli savens