Ils organisaturs dals Dis da litteratura da Soloturn fan ina bilantscha positiva da la 42avla ediziun ch'ins ha organisà enstagl analog a moda digitala en consequenza dal coronavirus.
L'experiment saja gartegià. Durant ils dus dis d'Ascensiun hajan ins registrà dapli che 10'000 access sin occurrenzas. Da mintgamai 150 enfin 250 apparats sajan las occurrenzas vegnidas persequitadas il medem mument, hai num en ina communicaziun.
Durant tut ils diesch dis dals Dis da litteratura da Soloturn hajan 21'000 visitaders e visitadras chattà la via sin la plattafurma online.