Il ticker è a fin
-
15:48
FIN
Ils 30avels Dis da litteratura èn a fin... grazia per Voss'attenziun, ina bella saira e bunas lecturas
Legenda: La zona 30 e cun quai a fin, in'occasiun per dar vinavant gas... RTR -
15:09
Cun la racheta en l’univers da Clo Duri Bezzola
Suenter il concert d’avertura cun chanzuns da Clo Duri Bezzola, in dals fundaturs dals DDL, uss la preschentaziun dal cudesch da maletgs «Il lung viadi» cun illustraziuns da l’artista engiadinaisa Pia Valär.
In nov cudesch da chant illustrà preschenta in tozzel chanzuns da Clo Duri Bezzola (1945-2004). Surprendent forsa che l’autur engiadinais n’ha betg mo scrit ils texts, mabain era cumponì las melodias.
«Il lung viadi» ans maina en situaziuns dal mintgadi dad uffants, en chasas da virivari ed en stanzas da scola nua ch’ins emprenda per la vita. Ils texts da Clo Duri Bezzola intimeschan dad observar fitg precis tut quai ch’è enturn nus. Cun umor, in dun per las finezzas da la lingua e blera chapientscha per ils uffants quintan ils texts istorgias divertentas o schizunt schregas.
Las illustraziuns da Pia Valär laschan scuvrir detagls nunspetgads. Las cumposiziuns cun arranschaments che han potenzial da daventar auriculins vegnan chantadas dad Ursina Giger e da Martin Bezzola, il figl da l’autur. Il cudesch da maletgs «Il lung viadi» cuntegna sper in disc cumpact era in carnet cun notas per chantar a chasa u a scola.
Legenda: RTR, Esther Krättli -
14:36
Legenda: Lia Johanna Hauser da Danis, victura en la categoria 17-25 onns cun il text «Genocid» RTR, Esther Krättli -
14:33
Legenda: Silvan Beeli da Lon, victur da la categoria 7.-9. classa cun la poesia «Tge fas carstgàn» RTR, Esther Krättli -
14:31
Legenda: Laila Thoma da Cinuos-chel, victura en la categoria 3. e 4. classa cun il text «ils ultims suspirs» RTR, Esther Krättli -
14:26
Trais poetinas e fabuluns
Sin il palc a Domat èn uss auturas ed auturs da la generaziun propi giuvna - las victuras ed il victur da la concurrenza da scriver «Plima d'aur» e «Pledpierla». Onn per onn lantscha la Lia Rumantscha in occurrenza per scolaras e scolars. Trais premiads da quest onn legian lur texts sin il palc da la Halla Tircal:
-
13:29
In hotel e duas dunnas giuvnas
L’istorgia gioga en ils emprims onns da la hotellaria en Grischun. «Hotel Destin» raquinta da duas giuvnas che derivan da munds differents: dus differents munds socials, duas linguas, duas culturas. Luise, figlia da hotelier da la Germania, raquinta ils eveniments en tudestg. Catrina, in’orfna da la regiun, raquinta per rumantsch. Malgrà tut las differenzas e difficultads sa sviluppa in’amicizia tranter las duas giuvnas.
Il cudesch è biling, ma betg cun versiuns separadas cumplettas. Las duas linguas sa maschaidan en il text. Ina sort code switching che dovra l’emprim in pau temp per s’endisar, ma che forsa correspunda era a noss mintgadi cun viadis d'ina lingua en l'autra.
Legenda: Laura Schütz (2002) da Falera scriveva gugent gia da pitschen ensi. Quest text ha ella elavurà per sia lavur da matura. A dretga la moderatura Karin Kohler-Pattis. RTR, Esther Krättli -
12:25
audioSara F. Hermann e Flurin Caviezel sa dispitanord RTR Audio dals 07.11.2021.laschar ir. Durada: 2 minutas 47 Secundas.
-
12:12
Ils osps da surpraisa èn arrivads, ils «Tamburs da Domat».
Legenda: RTR/ Esther Krättli -
12:01
Legenda: La petta è pinada... RTR/ Esther Krättli -
11:52
30 onns Dis da litteratura
Sara F. Hermann e Flurin Caviezel preschentan in omagi teatral-musical per render onur cun umor al giubileum da 30 onns. «In giubileum sto vegnir festivà», ma propi? Necessitad u tuttina mo laudavaglia? Il cabarettist e la commembra dal comité d'organisaziun n'èn betg propi dal medem maini.
Legenda: RTR/ Esther Krättli -
10:53
Chasa Paterna 139: «cafè e culaischem»
Suenter «Vent per mia vela» da Romana Ganzoni vegn preschentà la segunda Chasa Paterna. Il numer 139 cuntegna texts curts da l’autura Rut Plouda da Ftan. Quests texts èn da caracter narrativ, ma era anecdotic. Las illustraziuns da tusch da Dumenic Andry, sez scrivent e poet, stattan en in interessant dialog cun ils texts.
Legenda: FMR/ David Truttmann -
10:38
Litteratura e jau – Gion Mathias Cavelty cun dumondas sur dumondas
Ina pagina d’in nun-lectur per nun-lecturs, introducescha Gion Mathias Cavelty sia «giubilectura». El scriva per dar vinavant insatge da sai sez, ed el less pudair viver dal scriver. Tge paisa avessan tut ses bustabs scrits? Quants nun-lecturs èn gia morts el decurs dals onns ? E datti anc pleds suenter la mort ?
audioLa giubilectura da Gion Mathias Caveltyord RTR Audio dals 07.11.2021.laschar ir. Durada: 1 minuta 15 Secundas. -
10:23
Litteratura e jau – Angelika Overath e las poesias fragliuns
Angelika Overath scriva dasper ses romans e sias reportaschas poesias, tranter auter «poesias fragliuns» en rumantsch e tudestg, quai vul dir poesias parentadas, ma betg identicas. Ella ha gia publitgà trais cudeschs cun poesias bilinguas, il quart vegn il favrer.
audioGiubilectura d'Angelika Overathord RTR Audio dals 07.11.2021.laschar ir. Durada: 1 minuta 50 Secundas. -
10:18
Litteratura e jau – Gerold Ehrsam prenda dapart il titel
Gerold Ehrsam è liricher e performer da Turitg e stat a Liestal. In neo-rumantsch sco Angelika Overath. El gioga gugent culla lingua e ha in umor fin.
audioGiubilectura da Gerold Ehrsamord RTR Audio dals 07.11.2021.laschar ir. Durada: 1 minuta 8 Secundas. -
9:54
Il trio cun Angelika, Gion Mathias e Gerold
Nov auturas ed auturs prelegian en occasiun da l'ediziun da giubileum dals 30avels Dis da litteratura la «giubilectura». In text ch'els han scrit davart il tema «litteratura ed jau». Quai mintgamai en blocs da trais. L'ultim trio furman Angelika Overath, Gion Mathias Cavelty e Gerold Ehrsam.
-
9:20
La luna nel baule – La glina en l’arcun
En il nov roman «La luna nel baule» vegnan raquintadas episodas or da la vita d’ina dunna da la Val Bregaglia. Las regurdanzas vegnan cumbinadas cun eveniments da l’istorgia mundiala ed inritgidas cun detagls ch’èn naschids en la fantasia da l’autur.
L’idea da Jolanda Giovanoli è stada vairamain che l’autur Daniele dell’Agnola duaja correger «due paginette», duas paginas cun regordanzas ch’ella aveva scritg per sias figlias. Tut il project ha sa sviluppà tar in roman che descriva la vita da l’ustiera e patruna da l’hotel Val d’Arca a Stampa.
Objects or da l’arcun èn il punct da partenza per raquintar da muments plaschaivels e muments trists en famiglia, da viadis giu la Bassa ed a l’ester, ma era dals inscunters cun l’artist Alberto Giacometti.
Legenda: RTR/ Esther Krättli -
9:17
La sala s'emplaina plaunet.
Legenda: RTR/ Esther Krättli -
9:08
Bainvegni a l'ultim di dals 30avels Dis da litteratura a Domat.
