Dis da litteratura - Venderdi ils 5 da november

Il ticker è a fin

• 22:06

  Buna notg ed a damaun marvegl a las 9.

• 22:05
  

  04:49

  video

  Leo Tuor – dis da litteratura

  Or da RTR Social dals 08.11.2021.

  laschar ir. Durada: 4 minutas 49 Secundas.
• 22:05
  

  06:29

  video

  Romana Ganzoni – la mazzacra da Domat

  Or da RTR Social dals 08.11.2021.

  laschar ir. Durada: 6 minutas 29 Secundas.
• 22:04
  

  05:43

  video

  Viola Cadruvi – escapissem

  Or da RTR Social dals 05.11.2021.

  laschar ir. Durada: 5 minutas 43 Secundas.
• 21:42

  Tge dovri per scriver in text litterar? Las duas auturas Viola Cadruvi, Romana Ganzoni e l’autur Leo Tuor han survegnì l’incumbensa da scriver in text e dattan in’invista en lur moda e maniera da scriver. Il tema è stà per tuts trais il medem, «dis da litteratura». Tgi scriva nua, sut tge circumstanzas? E cura è in text insumma a la fin?

• 21:23

  

  Legenda: RTR/ Guadench Dazzi

• 21:20

  Nicolas Pernet, il directur da Radiotelevisiun Svizra Rumantscha, introducescha la premiera dals Cuntrasts «Computer, cafés e crisas – l'art da scriver» da Bertilla Giossi. Scriver saja daventà mainstream, ma i na saja betg simpel. Il process da scriver saja savens pauc glorius, magari dolurus, in process che dovria temp.

  Litteratura ei sco la vita.

• 21:09
  

  audio

  In schatg da la chanzun «1 2 3»

  03:23 min, ord RTR Audio dals 05.11.2021.

  laschar ir. Durada: 3 minutas 23 Secundas.
• 20:57

  Il public ha pudì tadlar musica davart il salip che leva maridar, 10 retgs, la lieur e sia cumpagnia, l'ABC u era la notg ch'è arrivada. Las cumposiziuns èn da Clo Duri Bezzola, ils arranschaments da ses figl Martin Bezzola. Il project sa numna «Il lung viadi». La band ad hoc consista d'Ursina Giger (voc), Martin Bezzola (voc/piano), Mathias Vetter (ghit), Florian Egli (bass) ed Andi Pupato (perc).

  

  Legenda: RTR/ Guadench Dazzi

• 19:59

  Concert da giubileum

  Benedetto Vigne, co-fundatur dals Dis da litteratura, raquinta davart l'entschatta dal pitschen festival. Malgrà vuschs scepticas ha la Rumantschia gì plaschair da l'idea. Ma l'entschatta è stada pulit caotica. Infrastructura e tecnica eran plitost improvisadas.

  «Ils Dis da litteratura èn vegnids fundads da trais divas.»

  Benedetto Vigne, co-fondatur dals Dis da litteratura

  Clo Duri Bezzola, ch'è stà mo curt en il comité d'organisaziun, ha giugà ina rolla impurtanta per ils Dis da litteratura, sco poet ed era sco commember da la giuria. Per l'avertura dal festival ha Martin Bezzola, il figl da Clo Duri, arranschà las chanzuns ord «Il lung viadi» per ina band ad hoc. Cun Ursina Giger, Martin Bezzola, Mathias Vetter, Florian Egli ed Andi Pupato.

  

  Legenda: RTR/ Guadench Dazzi

• 19:43

  Ils 30avels Dis da litteratura han cumenzà. Sara Francesca Hermann dal comité d'organisaziun, ha sco pli emprim tschertgà collegas e public en la nivla.

  Ralf Beer, Nadina Derungs e Toni Vinzens han alura chattà la via sin tribuna, per beneventar ina sala pulit plaina.

  Era Flavia Hobi e Walter Rosselli, da l’Uniun per la Litteratura Rumantscha, tradeschan intginas ivettas dal program, ed era il motto dals 30avels Dis da litteratura, numnadamain «Giud via».

  

  audio

  Sara Francesca Hermann en la nivla

  00:34 min, ord RTR Audio dals 05.11.2021.

  laschar ir. Durada: 34 Secundas.
• 19:29

  Bainvegni als 30avels Dis da litteratura

• 17:00

  Program da venderdi saira, ils 5 da november

  • 19:30 Avertura dals 30avels Dis da litteratura che stattan sut il motto «giud via».
  • 19:45 Concert da giubileum cun chanzuns da Clo Duri Bezzola: «Il lung viadi» cun Ursina Giger (voc), Martin Bezzola (voc/piano), Mathias Vetter (ghit), Florian Egli (bass) ed Andri Pupato (perc).
  • 21:00 Premiera dal film «Computer, cafés e crisas - l'art da scriver». In film dals Cutrasts dad RTR da Bertilla Giossi cun Viola Cadruvi, Romana Ganzoni e Leo Tuor.