La pitschna baselgia da Sogn Pieder al pe da la Tuma Casté vala sco l’emprima baselgia parochiala da Domat. Construida è ella vegnida curt avant l’onn 800. Ma tgi avess pensà che questa baselgia fascheva ina giada part ad ina curt da paders e ch’ella n’è probablamain mai stada ina baselgia parochiala? E ch’ella è vegnida edifitgada là, nua ch’i deva avant ina curt signurila imposanta? Nua ch’ins purtava culaunas da perlas da l’Orient? Quai èn be in pèr da diversas scuvertas extraordinarias che la giuvna archeologa turitgaisa Lorena Burkhardt ha fatg cun analisar ils objects chattads sin l’areal da Sogn Pieder.
Vita e cretta sa profundescha en la grond’istorgia da quest lieu e raschuna da scuvertas raras e sensaziunalas dal temp medieval fin al temp baroc.
-
Bild 1 von 5. La curt da paders enturn l'onn 800. A sanestra la baselgia Sogn Pieder, lura anc senza clutger. Bildquelle: RTR.
-
Bild 2 von 5. La curt da paders enturn l'onn 800 - vista interiura. Da maun dretg la baselgia Sogn Pieder. Bildquelle: RTR.
-
Bild 3 von 5. Illustraziun da Lea Gredig. La possessura da la trucca, reconstrucziun da la vestgadira, sura rests da la culauna da perlas. Bildquelle: RTR.
-
Bild 4 von 5. Chadaina da perlas. Reconstrucziun da la chadaina da perlas chattada en la trucca. Bildquelle: RTR.
-
Bild 5 von 5. Publicaziun da Lorena Burkhardt. Edida dal Servetsch archeologic dal Grischun. Bildquelle: RTR.