Prest 2,3 milliardas carstgauns sin il mund sa numnan cristians ubain cristianas e festiveschan perquai era Nadal. Sche nus associain cun questa festa in pignol, l’enviern, chanzuns accumpagnadas dad orgla u era anc l’odur da creflis, è quai en autras regiuns in zic auter: Là na datti nagin pignol, nagina naiv ed il bambin survegn là auters regals che aur, mirra ed intschains.
In exempel per in Nadal lunsch da las muntognas grischunas è l’ovra «Navidad Nuestra» dal cumponist argentin Ariel Ramirez che ha mess en musica pleds dal poet Felix Luna, in’ovra ch’è era anc bella da tadlar 60 onns suenter sia creaziun.
En «Navidad Nuestra» fan Maria e Giusep (u pia Maria y José) viadi tras la pampa cun sias spinas ed urticlas, ils pasturs vegnan natiers e portan chaschiel, basilic e timian ed ils trais sabis portan in poncho da launa d’alpaca sco regal.
En quest’emissiun datti plinavant d’udir intginas poesias da Nadal, in’istorgia dad Armon Planta or da noss archiv da radio ed in «pled sin via» da Lucia Wicki-Rensch.
L’ura da religiun è ina oasa da tempra religius-meditativa cun novitads or dal mund da las religiuns, predi/meditaziun e dapli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.