Cun meditaziun e yoga – in pass pli datiers a l'intern
Avant passa 3'500 onns duain sabis avair medità e praticà moviments cun exercizis da flad en las autas culturas hinduisticas.
Lur cretta e vocaziun era gia lura da chattar l'equiliber tranter corp, spiert ed olma entras la meditaziun. Da vegl ennà è la meditaziun in act purifitgond cun origin religius.
En in mund dirigì da pussanza, spertadad e prestaziun tutgan ils tempels da meditaziun, sco yoga e thai chi tar ils refugis pli bain frequentads. Ins po dir che tempels da meditaziun en daventads ina vair pilaster per l’economia.
Sa fatschentar cun l’agen corp, cun il spiert en tenor mai in act religius cun effect purifitgond che regala spazi e legria
En Vita e Cretta ans declera Lucrezia Decurtins che i n'a saja betg adina simpel da s'approfundar en l'agen intern, da tschertgar il vair «jau». Tschertgond, chattian ins savens fassettas main amablas da noss esser. Ma grazia a la meditaziun tschiffian bleras persunas era curaschi da far midadas en la vita.
Enconuscher sa sez è in viadi che cuzza tut la vita. Ma cun guardar en l'intern chattain nus il curaschi da far midadas e dir «na» a situaziuns betg giavischadas.
Yoga e Thai Chi na sajan betg sulettamain meditaziun, mabain era lavur cun il flad, bler moviment e laschar tiers che la musculatura daventia loma e flexibla. Ina sort terapia per mitigar differents mals u problems da durmir.
In effect curativ sin noss corp e sin noss spiert hajan era las vibraziuns sonoras chaschunadas da cuppas tibetanas e gongs. Las undas sonoras da quests instruments hajan il medem effect sco in crap en l'aua. El bitta undas. Las vibraziuns sonoras cuntanschian uschia era noss intern e procurian per equiliber tranter corp ed olma.
